Page 111 - gjuha shqipe 3 per shtyp.pdf

HISTORIA E BAJAMES Lexojmë

Dimri kishte qenë shumë i ftohtë: dëbora, ngrica dhe era për muaj të
tërë kishin zotëruar tokën. Kaloi shkurti, por asnjë lule nuk guxonte të
çelte, asnjë gjethe nuk kishte fuqi të hapej.

– Po erdhi era e acartë morëm fund, – thoshin bimët e strukura në
ngrohtësinë e nëntokës.

– Këtu ndihem mirë, – thoshte sythi, duke u dridhur së ftohti në degë.

– Këtë vit do të vazhdojmë të flemë, – përsëritnin lule vjollcat.

Por një pemë që lartësohej mbi një kodrinë tha: – Do ta provoj unë
dhe nëse lulet do të thahen nga acari, s’prish punë, do të nxjerr të tjera.
Dhe një mëngjes, nxori lulen e parë. Nuk bënte edhe aq ftohtë. Fill

pas së parës nxori edhe një tjetër, pastaj edhe një tjetër. Shumë shpejt
pema shndriti e tëra nga lulet e bardha. Drita e agimit e vështroi pemën
dhe në shenjë mirënjohjeje për guximin i dha ngjyrat e saj. Petalet e
bardha u shndërruan në një rozë të lehtë.

Nga ajo ditë, çdo vit, në të dalë të dimrit pema e bajames mbulohet
me lule të bardha në rozë të çelët dhe i lajmëron njerëzit se pranvera
është në prag.

F. Lorenzini

LEXOJ DHE KUPTOJ
Shëno me ose me .
Dimri kishte qenë shumë i ftohtë, me erë dhe ngricë.
Në fund të shkurtit, të gjitha lulet çelën.
Pemët dhe lulet nuk guxonin të hapnin gjethet dhe sythat e tyre.
Pema e bajames guxoi e para të çelte lulet.
Pema e bajames shndriti nga lulet e bardha.
Drita e diellit i shndërroi lulet e bajames në ngjyrë të kuqe.
Në fillim të pranverës, pema e bajames mbulohej me lule të bardha në rozë të çelët.
Pema e bajames lajmëronte njerëzit për ardhjen e verës.

REFLEKTOJ
Po ti, a je guximtar/guximtare? Na trego një histori kur je treguar guximtar/guximtare.

SHKRUAJ
Nënvizo me ngjyra të ndryshme hyrjen dhe mbylljen e kësaj historie.

111