Page 16 - gjuha shqipe 3 per shtyp.pdf

Lexojmë

BLERTA HARROI GËRSHETAT

Blerta e vogël kishte vënë përpara një fletë vizatimi dhe po mendonte
se çfarë mund të vizatonte: maçokun Piso, qenin që po luante me bishtin
e vet, dy zogj që po çukiteshin me shoku-shokun apo diçka tjetër.
Si vrau mendjen gjerë dhe gjatë, tha: − Do të vizatoj veten time!
Në fillim vizatoi dy qershi, të cilat i leu me lapsin e kaltër dhe në mes u

vuri nga një pikë të zezë. Mbi to bëri dy harqe të zeza, si harku i ylberit...
Poshtë qershive vizatoi dy mollë të mëdha si starkinga të Pogradecit. Në
mes të qershive dhe të mollëzave vizatoi një si kalem, pingulthi. Poshtë
kalemit vizatoi një kuti stërgjatëshe me kapak të hapur dhe e leu me bojë
trëndafili. Anash mollëve vuri dy petale të mëdha lulesh. Të gjitha këto
i qarkoi me një rreth që i ngjiste edhe hënës, edhe diellit. Rreth e rrotull
qarkut vuri të fluturonin një bletë dhe një flutur krahëshkruar.
Kur u kthye nëna dhe babai nga puna, Blerta e kishte mbaruar vizatimin.
Sa pa pikturën e saj, babai pyeti:

− Çfarë ke vizatuar kështu, se nuk po e kuptoj?
− Kam vizatuar kokën time, − tha Blerta.
− Ashtu? – u habitën prindërit.
− Po ku i ke sytë, gojën, hundën, veshët? – e pyeti e ëma.
− Po vetullat, po... – e pyeti i ati.
− Të gjitha i kam vizatuar, nuk i shikoni?
− Po flutura dhe bleta çfarë duan këtu?

Blerta u shkri së qeshuri dhe u tha:
− Shikojini mirë dhe do ta kuptoni se
kam vizatuar kokën time. Aq më
shumë ti babi që je edhe piktor dhe
i bën njerëzit si shkëmbinj. Unë
njerëzit i bëj me fantazi.
− Po ti nuk je as qershi, as bletë,
as...
− Që të bindeni se kam

vizatuar kokën time, pyesni
gjyshen, − u tha Blerta.
Babai thirri gjyshen dhe
ajo erdhi në çast. Ai e pyeti:
− Çfarë ka vizatuar Blerta
në këtë fletë?
− Kokën e saj, − iu përgjigj

16