Page 10 - NCPHWR_Public_Report-2018-welsh-print_Neat

Pecynnau Gwaith | Heneiddio’n Iach

Oedolion
Agored
i Niwed a
Chynnal Iechyd
a Llesiant

Mae’r Ganolfan yn gwneud gwaith ymchwil ar amrywiaeth o wahanol heriau sy’n
effeithio ar oedolion a allai olygu eu bod yn cael eu nodi fel oedolion agored i
niwed. Mae’r heriau hyn yn amrywio o gyflyrau iechyd cronig fel arthritis a dementia
ac oedolion ag anabledd deallusol, i feichiau anhwylderau a chamddefnyddio
sylweddau. Nodir yr heriau hyn gan ddefnyddio cofnodion iechyd cysylltiedig
(cofnodion meddygon teulu a chofnodion ysbytai) i gael golwg ar wybodaeth
iechyd hir-dymor a gesglir trwy raglen Doeth am Iechyd Cymru a’i dadansoddi gan
ddefnyddio cronfa ddata SAIL. Gwneir ymchwil hefyd i nodi ymyriadau a all helpu
oedolion i gynnal eu hiechyd a’u llesiant trwy wella’r amgylcheddau lle maen nhw’n
byw.

Effaith yr Ymchwil

• Mae ymchwil ddiweddar wedi dangos bod gwiriadau iechyd i oedolion ag anabledd
deallusol yn gostwng cyfraddau marwolaeth (o gymharu â’r rheiny sydd heb gael
gwiriadau iechyd), yn enwedig yn achos pobl sydd ag awtistiaeth.
• Mae gwaith i archwilio meddyginiaethau sy’n gysylltiedig â dementia yn dangos bod
meddyginiaethau ar gyfer pwysedd gwaed uchel a gwrthgeulyddion yn gysylltiedig
â llai o risg o ddementia, ond bod cyffuriau gwrthiselder a gwrthblatenau yn
gysylltiedig â risg uwch o ddementia.
• Dangosodd astudiaeth hydredol o dderbyniadau brys i ysbytai sy’n gysylltiedig ag
ymyriadau tai nad ydynt yn digwydd ar hap fod modd osgoi derbyn pobl i’r ysbyty
trwy wella safonau ansawdd cartrefi cyfan yn unol â safonau ansawdd tai Cymru.

• Rydym yn gweithio gydag ENRICH Cymru a Fy Mywyd Mewn Cartref (My Home Life)
Cymru, ynghyd â byrddau iechyd lleol, i gefnogi pobl hŷn, yn enwedig drwy wneud
gwaith ymchwil mewn cartrefi gofal ac yn eu cylch.

5