Page 26 - PC MARET 2021

Sinau Basa Jawa

DHIK-adhik, pripun
kabare? Ketemu maneh
Akaro Putra Cendekia,
majalah sutresnane para siswa ing
www.freepik.com wilayah Jateng.

Adhik-adhik, ing kalodhangan
iki kita sinau tata krama bebrayan
ing satengahing masyarakat. Yen
wis diwaca, ayo ditindakna !

1. Yen adhik-adhik lagi numpak angkutan umum, arupa angkutan kota, angkutan
padesan apa dene bis, lan pas meruhi ana ibu-ibu sing ora kebagian lungguhan--
apa maneh ana ibu sing lagi mbobot, prayogane adhik-adhik enggal menyat. Lan
matur: "Sumangga bu, kula aturi lenggah". Awake dhewe ngalahi ngadeg. Kuwi
tumindak sing apik, amarga nulungi wong sing lagi rekasa.

2. Yen janji kara kanca, apa karo sapa bae, biasakna aja nganggo jam karet. Tegese,

adhik-adhik kudu netepi janji, kanthi wektu sing pas karo perjanjiane. Aja janji
jam 7, jam 8 apa jam 9 utawa lewih, malah nembe teka. Lan yen neng ndalan ana
alangan, amarga durung bisa nepati janjine, kudu terus terang. Jujur. Aja digawe-gawe
alesan. ‘Penyakit' jam karet saiki pancen wis biasa ditindakkake masyarakat kita.
Ana tips kanggo ngurangi jam karet, jam dinding utawa jam ing jam tanganmu
dimajokna sethithik (bisa 10 menit utawa 15 menit), kanggo persiapan mangkat marang
papan tujuan bisa dicepetake. Lan wektu sing dicadhangake iki bisa kanggo njagani mbok
ana alangan ing tengah ndalan. Ayo, wiwit sithik kita tinggalake budhaya jam karet.

26