Page 27 - PC MARET 2021

Sinau Basa Jawa

3. Yen adhik-adhik antri, antria sing rapi lan tertib. Ora pareng nylonong. Nylonong
kuwi tumindak ora becik. Kebiasaan antri iki kudu bener-bener digatekake.
Umpamane, nalika kita antri ing rumah sakit, ing bank, ing pertokoan nalika arep
mbayar ing kasir, antri nalika mbalekake buku ing perpustakaan, lan sapiturute. Ing
negara-negara maju, kayata Amerika Serikat lan Jepang, budhaya antri lumaku kanthi
dhisiplin. Ayo, minangka bangsa sing njunjung tata krama, awake dhewe biasakna antri
kanthi tertib

4. Nalika adhik-adhik dolan ing taman utawa papan umum, ora pareng tumindak,
kayata methiki gegodhongan lan nyorat-nyoret utawa nulisi ing sadengah papan.
Methiki gegodhingan utawa corat-coret nganggo spidhol apa dene cat pilox, kuwi
tumindak ora bener. Amarga gawe taman utawa papan umum dadi rusak lan kotor. Ayo,
kita jaga fasilitas umum kanthi becik.

5. Njaga kebersihan lingkungan kuwi penting. Ora mung nalika ing ngomah apa
sekolah, lan ing sadengah papan. Sing asring diprangguli, isih akeh wong sing
mbuwang sampah sembarangan, ora ing papan pembuwangan sing bener. Ayo
biasakna mbuwang sampah ing papan pembuwangan sampah. Aja nganti adhik-
adhik dicap kemproh, amarga mbuwang sampah sembarangan.

Jer basuki mawa beya tegese, yen kepengin mukti mbutuhake wragad,
utawa perlu usaha kang temen. Ora ana wong sukses ora gelem nyambut gawe.
Ora ana wong pinter tapi ora gelem sinau

27