Page 38 - Сістэмны даведнік-бібліятрансформер_Neat

Літаратурная старонка 09.08.2010, Міёрскія навіны
“Першая прыгажуня”—новая кніга казак Алены Масла, якая толькі што

пабачыла свет у рэдакцыйна-выдавецкай установе “Літаратура і Мастацтва”. Так і
карціць хутчэй даведацца, хто ж яна, гэтая першая Прыгажуня.

Кніга казак яскрава сведчыць, што калі за пяро бярэцца таленавіты
пісьменнік, то ён у самым, здавалася б, архаічным жанры можа сказаць сваё слова,
узняць праблемы, якія ва ўсе часы не губляюць свайго значэння, актуальнасці.
Як і гэта бывае ў казках, падзеі, пра якія расказвае А. Масла адбываліся

вельмі даўно. Але паколькі яна напісала казку сучасную, то, калі ласка…
“Прапрапрарадзед таго караля, які і сёння кіруе краінай, выдаў загад штогод
праводзіць тур Прыгажосці. Турнір гэты нагадваў рыцарскі, толькі змагаліся на ім

дзяўчаты, і не пры дапамозе зброі, а выключна хараством”. Няцяжка заўважыць
падабенства з сучаснымі конкурсамі, на якіх выбіраюцца розныя міс. У казцы
“Першая Прыгажуня”, аб чым сведчыць і назва кнігі, таксама вызначаюць самую

вабную дзяўчыну. Ды не для таго, каб яе тытулаваць.
Турнір, пра які ідзе гаворка, у каралеўстве “самы значны за апошнія гады”,
бо “кароль з каралевай дачакаліся паўналецця сына”, якога прыйшоў час ажаніць.

Канешне, замежных прынцэс ставала, ды бацькі не бралі іх у празлік, таму што
нявесты гэтыя “фанабэрыстыя, спешчаныя мамкамі-нянькамі дзеўкі”. Калі ж узяць
жонку з прасцейшых, то “такой камандаваць лягчэй і прасцей дагадзіць”.
Гэткую простую, але разам з тым і вельмі прыгожую дзяўчыну і павінен

вызначыць турнір. Каб адшукаць прэтэндэнтку, каралеўскія ганцы адправіліся ва
ўсе куткі краіны. Нарэшце, “ля пахілай леснічоўкі, што стаяла ў глухой пушчы”

яны і напаткалі прыгажуню Зараніцу, якая жыла са сваёй маці. Здавалася б, калі
ёсць прыгажосць, ды да ўсяго каралеўская воля, то і стаць Зараніцы жонкай
каралевіча. Дакладней, нават каралевай, бо бацька згодзен пасля жаніцьбы сына
перадаць яму ўладу.

Толькі не так усё проста, як падаецца на першы погляд. Гэта ў добрых старых
казках дзяўчаткі, кшталту Папялушкі, лёгка знаходзілі сваё шчасце. У Зараніцы ўсё
куды складаней. Ёсць ахвочыя нават ісці супраць каралеўскай волі, абы не трапіла

на трон прэтэндэнтка з простай сям’і. На турніры страсці настолькі накаляюцца,
што пачынаюць выходзіць за межы казкі.

38