Page 40 - Сістэмны даведнік-бібліятрансформер_Neat
P. 40
Візітка 06.11.2010 , Міёрскія навіны
Галоўны рэдактар часопіса “Бярозка”.
Таленавітая журналістка. Знакамітая
беларуская пісьменніца, актыўна працуе ў
жанры казкі. Яе зборнікі “Рождество у
крёстной”, “Таямніцы закінутай хаты”,
“Сяброўства з божымі кароўкамі” адзначаны
галоўным прызам бібліятэчнай асацыяцыі—
дыпломамі чытацкіх сімпатый. Апошняя
кніга “Прыгажуня” заняла першае месца на
нацыянальным конкурсе “Мастацтва кнігі”.
Гэта ўнікальная творчая асоба—Алена
Сцяпанаўна Масла. Прыемна і пачэсна, што
менавіта нашы мясціны ўзгадавалі яе,
выпеставалі ды выпусцілі ў вялікі свет.
Супрацоўнікі дзіцячай бібліятэкі нярэдка арганізуюць для школьнікаў
райцэнтра сустрэчы з творчымі людзьмі. І з Аленай Масла юныя чытачы
пазнаёміліся дзякуючы іх старанням. Славутая казачніца завітала ў госці да
землякоў упершыню. Ва ўтульным холе панавала дзіўная атмасфера: дзеці з
асаблівай цікавасцю слухалі пісьменніцу, з героямі чыіх твораў яны даўно сталі
добрымі сябрамі.
Талент Алены Масла ўскалыхала вёска Мілашова. Адсюль яна родам, на
беразе возера стаіць бацькоўская хата. Ужо шмат гадоў наша зямлячка жыве ў
сталіцы, але родныя мясціны пакінулі незабыўны след у яе душы, таму адгукалася
пра іх натхнёна і душэўна. З цеплынёй згадвала Мілашоўскую базавую школу, дзе
набіралася ведаў, кніжнай мудрасці. У сэрцы былой вучаніцы захавалася
ўдзячнасць да настаўнікаў, якія не толькі праз урокі, але і пазакласныя
мерапрыемствы з любоўю і шчырай зычлівасцю стараліся як мага больш даць у
дарогу жыцця. Калі Алена прыехала ў Мінск і ў яе раслі ўласныя дзеці, яна са
здзіўленнем адзначыла для сябе, на колькі багатае, разнастайнае вясковае
дзяцінства ў параўнанні са сталічным.
Творчасцю Алена захапілася ў чацвёртым класе. Фантазіравала то прозай, то
паэтычным радком, але найбольш падабалася складаць казкі. Адну з іх аднойчы
даслала ў раённую газету. Тады і адбыўся дэбют юнай аўтаркі, які блаславіў
рэдакцыйны калектыў, за што яна шчыра ўдзячна яму і цяпер. Дарэчы,
надрукаваныя ў дзяцінстве казкі “Зорачка” і “Воблачка” ўвайшлі ў зборнік
“Таямніцы закінутай хаты”.
40
