Page 45 - Сістэмны даведнік-бібліятрансформер_Neat

— Як увогуле ўзнікла ідэя правядзення Мілашоўска-Мілашаўскіх чытанняў?

— У 2011 годзе, калі святкавалася 100-годдзе з дня нараджэння Чэслава Мілаша,
лаўрэата Нобелеўскай прэміі ў галіне літаратуры, я наважылася правесці першыя
Мілашоўска-Мілашаўскія чытанні. Адбыліся яны ў сталічнай бібліятэцы імя Цёткі.

Даўно падступалася да гэтай тэмы, шэраг публікацый у СМІ пра родныя мясціны,
іх гісторыю, славутых землякоў здзейсніла сама, пільна сачыла за тым, што пішуць
краязнаўцы... Як вынікае і з назвы чытанняў, сугучча назвы вёскі Мілашова і

прозвішча Мілашаў не выпадковае. «Нашы» Мілашы, якія і адбудавалі фальварак
Ідолта-Мілашова, сваякі Чэславу Мілашу, пра іх ён згадвае ў кнізе «Пошукі
Айчыны». Аскар Мілаш, французскі паэт-містык— з Чарэі, што на Чашніччыне.
Яго прадзед— Іосіф Мілаш— якраз і адкупіў Ідолта-Мілашова і Чарэю ў

Францішка Сапегі, калі той не прыняў падданства Кацярыне ІІ і з'ехаў ў Аўстрыю...
Аскар Мілаш— дзядзька Чэславу Мілашу і настаўнік у жыцці і літаратуры. Іх зоркі
і асвятляюць-асвячаюць нашы чытанні, яднаюць людзей.

— Якія вядомыя літаратары, мастакі, музыканты пазнаёміліся з Мёршчынай
за час правядзення чытанняў?
— Пасля першых чытанняў раённая газета «Мёрскія навіны» надрукавала мой

артыкул пра падзею, які заканчваўся словамі-зваротам да землякоў: «Сустрэнемся,
як заквітнее бэз!» Я абяцала прывезці чытанні на радзіму ўвесну. А квітнеючы
бэз— гэта як слова-пароль. Справа ў тым, што чарэйскія Мілашы былі

прафесійнымі заводчыкамі бэзу. І ў Мілашове бэз нават сёння— валадар вёскі. А
жыццё неяк закруціла, і час цвіцення бэзу я прапусціла— не прыехала, чытанні на
радзіме не арганізавала. І перадаюць мне з радзімы: што ж ты, маўляў, мілашоўцы

чакаюць, пытаюцца, памятаюць абяцанае ажно ўвосень!
Усе справы кінула, арганізавала паездку. Тады выступалі на сядзібе гаспадаркі,
якая акурат і знаходзіцца ў доме Мілашаў, пасля ў Павяцці, на радзіме празаіка

Франца Сіўко.
Белая царква ў Чарэі.
21-9
Былі ў Мілашове Уладзімір Ліпскі, Мікола

Мятліцкі, Рагнед Малахоўскі... Лялечны тэатрык
«Лямцавая батлейка» Веранікі Фаміной выступаў
у Мілашоўскай школе і Мёрскай раённай

дзіцячай бібліятэцы. Мастачка Аксана Аракчэева
праводзіла майстр-класы ў Мілашоўскай школе і
Мёрскай школе мастацтваў. З Францам Сіўко Мілашоўска-Мілашаўскія чытанні

арганізоўвалі ў Віцебску... То бок, стараюся пашыраць і геаграфію
мерапрыемстваў, і разнастаіць сустрэчы землякоў з творчымі людзьмі.
— Ці адчуваеце зваротную рэакцыю гледачоў— мясцовых жыхароў?

45