Page 47 - Сістэмны даведнік-бібліятрансформер_Neat

далей ад горада. Будзем спадзявацца, што гэта пакуль вузенькая сцежачка зможа

стаць дарогай, якая пакрысе верне людзей з горада — да зямлі. А значыць, да
спрадвечных рамёстваў, традыцый, аднаўлення страчанага... Урэшце, памарыць
нам пра гэта ніхто не перашкаджае. Мы не сядзім склаўшы рукі! Робім сёння ўсё

магчымае.
— Падзяліцеся планамі на будучыню. Хто наступны завітае ў Мілашова на
чытанні?

— У Мілашоўска-Мілашаўскіх чытанняў адкрылася новая старонка— чарэйская.
З-пад Чарэі родам маці мастачкі Аксаны Аракчэевай, там мастачка захоўвае
бацькоўскі дом. Улетку я гасціла ў яе, пабывала ў Чарэі, пазнаёміліся з
бібліятэкарам, апантаным краязнаўцам Таццянай Міхайлаўнай Казлоўскай—

вельмі дасведчаным чалавекам у тэматыцы гісторыі роду Мілашаў! Аксана
актыўна ўключылася ў рух энтузіястаў па рэстаўрацыі Белай царквы ў Чарэі. Мая
мара — знайсці магчымасць ратаваць старую Мілашоўскую школу і арганізаваць

там музей. Шчыра спадзяёмся, што нашыя мерапрыемствы дапамагаюць рабіць
крокі ў выбраным кірунку.
Я надзвычай удзячная загадчыку аддзела адукацыі Мёрскага райвыканкама

Валерыю Анатольевічу Драбу і дырэктару Мілашоўскай школы Алене Вітальеўне
Паўлоўскай, а таксама кіраўніцтву гаспадаркі «Мёрскі» за дапамогу ў арганізацыі
чытанняў. Шчыра спадзяюся на іх далейшае садзейнічанне.

Вельмі хачу наладзіць кантакты з музеем Чэслава Мілаша ў Шэтэнях (Літва), а
таксама з Таварыствам сяброў Аскара Мілаша, якое дзейнічае ў Францыі з 1996
года. Яшчэ ў Бранскай вобласці, Пачопскім раёне (Расія), выпадкова адшукала

вёску Мілашова— вось правяду расследаванне, якая яны нам радня. Хачу зладзіць
паездку ў Іўе, дзе пахаваны Пётра Просты... Паставім шматкроп'е, бо планаў шмат,
здзяйсняць трэба пакрысе.

Што да майго Мілашова... Раскрываць усіх сакрэтаў не буду. Толькі скажу, што
мілашоўцы ведаюць: на Новы год у іх заўжды хадзіў самы сапраўдны Дзед Мароз.
Спадзяюся, той, які завітае сёлета, збярэ да сябе людзей не толькі з вёскі— з усяго
раёна!

Марына Весялуха.

Фота Крысціны Пержуковай.

http://www.zviazda.by/be/news/20141021/1413840918-parol-bez-u-kveceni

47