Page 46 - Сістэмны даведнік-бібліятрансформер_Neat

— Я спадзяюся, што гэта патрэбна ім, асабліва дзецям... Бывае, дарослых цяжка

сабраць. Прызначаеш дзень і час сустрэчы— ды не адразу пагаджаюцца, даводзіцца
карэктаваць час. Бо ў людзей гаспадарка, каровы ў полі— то іх трэба забіраць, то
даіць. І гэта, як па мне, выдатна! Ёсць каровы— вёска жыве! А калі прыязджаем,

праводзім выступленні— такі водгук душэўны атрымліваем! Людзі згадваюць
мінулае, тварамі святлеюць. Мне падаецца, гэта надзвычай важна.
— Неяк вось падумалася, што было б выдатна, каб Мілашоўска-Мілашаўскія

чытанні сталі своеасаблівым брэндам мясцовасці. Існуе ж знакаміты
Ганненскі кірмаш у Зэльве з глыбокай гісторыяй ці досыць новы, але ўжо
традыцыйны Салодкі кірмаш у Івянцы...
— Дзеля гэтага шмат зроблена! За тры гады, на працягу якіх ладзяцца Мілашоўска-

Мілашаўскія чытанні, пра нашу вёску пачула шмат людзей ва ўсіх куточках
Беларусі, ды і за яе межамі— дзякуючы СМІ, сацыяльным сеткам, тэлебачанню,
радыё... А колькі яшчэ пачуюць, бо плануюцца новыя цікавыя мерапрыемствы.

Проста грэх не скарыстацца гэтым! Да таго ж Вітольдам Ермалёнкам, кіраўніком
краязнаўчага гуртка «Арганаўты мінулага» ў Мёрах, і яго выхаванцамі
распрацаваны шэраг унікальных экскурсій— «Залаты, сярэбраны і бронзавы

пярсцёнкі Мёршчыны», куды ўваходзіць і фальварак Ідолта-Мілашова....
— Сёння ў грамадстве існуе занепакоенасць тым, што вёскі пусцеюць, тут
застаецца ўсё менш жыхароў. Ці можна хаця б утапічна разважаць пра тое, што

падобнага кшталту лакальныя святы маглі б стаць выдатным сродкам прыцягнуць
увагу да вёскі? Бо разам з тэндэнцыяй апусцення вёсак назіраецца і іншая з'ява—
пераезд гараджан на сталае жыхарства на хутары і ў сельскую мясцовасць.

21-7

Фамільная пахавальня Алена Масла 21-8
Мілашаў у Мілашове.

— Такія праекты спрыяюць абуджэнню цікавасці да мясцін, а гэта значыць,

ствараюць спрыяльную глебу для развіцця турызму. Гляньце, які на працягу
апошніх гадоў ажыятаж вакол свят, што ладзяцца на аграсядзібах, хутарах! У
мінчан вельмі модным стала выязджаць на майстар-класы, фестывалі, канцэрты

46