Page 8 - Сістэмны даведнік-бібліятрансформер_Neat

Мудрыя казкі — малым і вялікім падказкі

3 июня 2010
Масла, А.С. Першая прыгажуня: казкі; для дзяцей сярэд. шк. узросту/Алена Масла; маст. Тамара
Шэлест. — Мінск: Літаратура і Мастацтва, 2010. — 136 с.: іл.

“Слухай, мой харошы, я раскажу табе казку пра Вялікую Мядзведзіцу. Жыве яна за высокімі-
высокімі гарамі, ды яна за іх большая: калі выпрастаецца на ўвесь рост, з-за гор выторкваецца
чорная калматая галава і засланяе сонца. А калі Мядзведзіца задзірае ўгору лапы, то дастае імі
ажно да неба...” Так пачынаецца адна з казак Алены Масла. І назва ў яе — “Праўдзівая зорная
казка”. Чытаючы гэты і іншыя творы, якія склалі новую кнігу вядомай дзіцячай пісьменніцы
“Першая прыгажуня”, неўспадзеў думаеш, што сапраўды некаторыя казкі падобныя на
сапраўдныя гісторыі. Гледзячы, з якім настроем чытаеш іх і адкрываеш герояў, прыдуманых
альбо падгледжаных Аленай Масла ў жыцці. Прывабліваюць у кнізе не столькі фантазія і
прыдумкі аўтара, колькі сугучнасць казачных сюжэтаў жыццёвым клопатам малых і дарослых.
Невыпадкова ж і падзагаловак у кнігі дастаткова ясны і ў многім вызначальны: “Мудрыя казкі —
малым і вялікім падказкі”.
https://www.sb.by/articles/mudryya-kazk-malym-vyal-k-m-padkazk-.html

8