Page 121 - Getroud met 'n Leuen

NabasDiep VERLIEF OP 'n LEUEN

Verbreking Van Die Misbruik Siklus.

Die Toksiese misbruik siklus sal vir ewig aangaan totdat ons weier om saam te werk of dan die
verhouding verlaat. Maar daar is 'n paar belangrike vrae om jouself te vra wanneer jy uit die
misbruik siklus wil breek. Vrae soos wat het ek nodig om dit te doen, het ek genoeg
onvoorwaardelike liefde as kind ontvang? Vir baie oorlewendes is die gebrek aan
onvoorwaardelike liefde van 'n ouer in ons kinderjare die rede waarom ons na 'n toksiet
getrek word. Dit is wat ons weet. Dit is ons "normaal", hoewel dit nie ons "gesond" is nie. Nog
‘n vraag sal wees of ek my behoeftes aan my huweliksmaat uitgespel het? Daar is geen regte
of verkeerde behoeftes nie. Jou behoeftes is nie swart of wit of goed of sleg nie. Druk jou
behoeftes uit teenoor jou maat en meet die reaksie. 'n Gesonde, liefdevolle vennoot sal
voldoen aan jou vereistes of hulle ten minste erken en probeer om te help. As jou maat spot
of lag oor jou begeertes of dit ignoreer, dan is dit tyd om te herevalueer wie jy toegelaat het
in jou lewe. En laastens moet jy weet of jy jouself is in die verhouding? Jy moet jouself daaraan
herinner dat jy nie verantwoordelik is vir enigiemand anders se emosies nie. Hou op om te
probeer om dinge voortdurend te laat werk deur die toksiet gelukkig te hou of sy woede te
kalmeer. Dit is nie jou verantwoordelikheid nie. Die enigste persoon wat jy kan beheer, is net
jouself! As jy voel dat jy gedurig op eiers moet loop of dat jy nie ware liefde in die verhouding
ervaar nie, bemagtig jouself met kennis en besluit oor jou lewe vanuit ‘n basis van kennis.

Stappe Wat Jy Kan Neem

Dit is noodsaaklik om buite bronne van ondersteuning te bou en te praat oor wat in jou
verhouding aangaan. 'n Professionele persoon is die beste persoon, want jy kan jou selfbeeld
so opbou en leer hoe om jouself te help sonder om veroordeel te word of ‘n haastige besluit
te neem om ‘n spesifieke plan van aksie te volg. As jy nie private individuele terapie kan
bekostig nie, leer alles wat jy kan uit boeke en aanlyn hulpbronne, sluit aan by aanlyn forums,
en vind 'n ondersteuningsgroep by 'n plaaslike skuiling waar jy veilig kan bly. Doen dit selfs al
beteken dit om dit in die geheim te doen. Jy is geregtig op jou privaatheid.

Om te verhoed dat jy betrokke raak by 'n misbruiker/molesteerder wanneer jy met iemand
uitgaan, pasop vir iemand wat:

• Daarop aandring om sy of haar wil ten alle koste te laat geld en veral as die persoon
nie ‘n kompromie wil aangaan nie.
• Uitbarstings van woede het.
• Onbeskof is met ander.
• Jou of jou gesin kritiseer.
• Jaloers of besitlik is.
• Paranoïes is.
• Jou dreig.
Gee aandag aan hierdie tekens ten spyte van die feit dat die persoon jou romanties wil betrek
of vir jou vertel hy is verlief op jou of selfs lief vir jou, en veral as dit sommer vertel word kort
nadat hy jou ontmoet het. Moenie wag vir die volgende aanval nie. As jy deur mishandeling
bedreig word, skakel jou misbruik hulplyn.

* Verwys asseblief na die Verkorte Woordelys agter. 121