Page 55 - Getroud met 'n Leuen

NabasDiep VERLIEF OP 'n LEUEN

beloon nie. Jy kan dit doen deur nie betrokke te raak nie, of deur op 'n onvoorspelbare manier
te reageer, soos met humor, wat 'n misbruiker/molesteerder onkant vang. Jy kan ook vra vir
die gedrag wat jy wil hê, perke stel en die misbruik konfronteer. Die meeste slagoffers doen
die teenoorgestelde, en pleit by die misbruiker/molesteerder om spanning te verlig en die
risiko van skade te verlig. Dit werk selde, en misbruik gaan tipies voort of vererger.

Die Waarheid Oor Geweld.

As jy geweld ervaar het – en dit sluit in stamp, hare trek of eiendom vernietig – is dit
noodsaaklik om ondersteuning te kry en te leer hoe om perke te stel. Misbruikers ontken of
verminder die probleem – net soos slagoffers – en kan beweer dat hulle hulleself nie kan
beheer nie. Dit is onwaar. Let op dat hulle nie beledigend is met hulle baas nie – omdat daar
gevolge vir daardie soort gedrag sou wees. Hulle blameer ook hul optrede op jou, wat
impliseer dat jy moet verander. Jy is nooit verantwoordelik vir iemand anders se gedrag nie.

Jy kan die siklus van geweld herken:

• 'n Opbou van spanning.
• Die aanval.
• Berou en verskoning.
• 'n Wittebrood tydperk van liefdevolle gebare.

Soms is die bedreiging van geweld al wat die molesteerder nodig het om jou te beheer, soos
'n terroris. Die beste tyd om geweld te staak is in die stadium van opbou. Sommige slagoffers
sal selfs 'n aanval uitlok om dit oor te kry, want hulle angs en vrees is so groot. Na 'n aanval
sê molesteerders hoe jammer hulle is en belowe om dit nooit te herhaal nie, maar sonder
berading om die onderliggende oorsake van die mishandeling te behandel, herhaal die siklus
homself. Moenie hulle beloftes glo nie.

* Verwys asseblief na die Verkorte Woordelys agter. 55