Page 50 - Getroud met 'n Leuen

NabasDiep VERLIEF OP 'n LEUEN

spannings vanaf die vorige fase aanvoel totdat die toksiet uitbars, hoewel die uitbarsting se
tydsberekening onvoorspelbaar is. In die meeste gevalle word die toksiet baie kwaad en neem
sy frustrasie uit op jou en enigiemand anders. Die toksiet mag skree, onwelvoeglikhede uiter,
goed gooi, jou fisies seermaak of jou emosioneel afbreek. Dit is asof die toksiet nie homself
kan inhou oor hoe hy voel nie. Die toksiese persoon sal jou vertel dat dit jou skuld is, want
"jy het my verkeerde knoppies gedruk." Dit is 'n miserabele verskoning vir iemand om al sy
pyn en woede op jou uit te haal. Die toksiet kan ook die stille behandeling* gebruik om jou
uit te sluit en jou uit die toksiet se binnekring te laat verdwyn. Jy smeek vir kommunikasie,
maar die toksiet praat met almal behalwe met jou. Hierdie stadium van die Toksiese misbruik
siklus kan 'n paar minute of 'n paar maande duur. Dit maak egter nie saak wat die lengte van
die woede is nie, hierdie stadium is skadelik.

Die vierde fase is die gepaaide harte met blomme fase. Dit is die stadium van die Toksiese
misbruik siklus wat ons vasgevang hou. Ons leef vir die paar minute van vrede en verwronge
liefde wat die toksiet uitdeel. Tydens die kalm gedeelte van die siklus vra die toksiet tipies om
verskoning en smeek om vergifnis. Die verskonings is egter nie eg nie, maar klink iets soos:
"Ek is jammer ek maak jou gevoelens seer, maar jy druk my knoppies," of "Jy weet hoeveel ek
jou liefhet, en soms raak ek net so ontsteld wanneer jy nie doen wat ek sê nie." Ons is so
beseer dat ons enige vriendelike woorde sal neem as 'n belofte dat die toksiet sal
verander. Ons voel verlig dat die verhouding nog hoop het, en ons hoef nog nie totsiens te sê
nie. Ons weet immers nie hoe ons sonder hierdie persoon sou oorleef nie. Ons sal vir jare wag
vir verandering wat nooit kom nie.

Definisie Van Emosionele Mishandeling.
Daar is twee tipes emosionele mishandeling, die een is plein emosionele mishandeling en die
ander is sielkundige mishandeling?

Emosionele mishandeling is die groter oorkoepelende term wat insluit die noem van
skelname of om iemand op sy plek te sit. ‘n Emosionele aanrander kan jou verkleinerende
byname gee, hulle kan jou verkleineer, of sommer net dom, dwaas of lelik noem. Emosionele
verwaarlosing of mishandeling is duidelik in elke omstandigheid waar jou maat, wat
veronderstel is om aan jou kant te wees, eintlik daarop uit is om jou uitmekaar te skeur, jou
te verkleineer, klein te laat voel, waardeloos te laat voel, plein liefdeloos te wees en jou te
misbruik.

Sielkundige mishandeling is erger in die sin dat die aanrander die slagoffer direk laat twyfel
aan sy sin van bestaan en realiteit. Op sy felste probeer die aanrander die slagoffer te laat
twyfel in sy geestelike welstand en of hy by sy volle positiewe is. Dit kan gaslig gee* insluit
waar die slagoffer so benadeel word dat hy in sy eie geestestoestand (‘sanity’) begin twyfel.
In uiterste gevalle kan die slagoffer glo dat hy nie geestelik gesond genoeg is om te oorleef
nie en daarom totaal afhanklik is van die aanrander vir sy bestaan of sin van realiteit.

Wat sê 1 Kor 7:12-15 van die huwelik? Lees die verse en hoor wat sê Paulus in vers 15. As die
ongelowige egter wil skei, laat hom skei. In sulke gevalle is die gelowige man of vrou nie
gebind nie. GOD HET JULLE GEROEP OM IN VREDE TE LEWE. Dit is waar die huwelik deel

* Verwys asseblief na die Verkorte Woordelys agter. 50