Page 86 - Getroud met 'n Leuen

NabasDiep VERLIEF OP 'n LEUEN

om jou met vals sjarme te manipuleer tot reg in hulle kloue deur ‘n ongelooflike goed
nagemaakte verliefdheids aura te skep waarin die slagoffer vasgevang en benewel word. Hier
word sy aanslag aangehelp deur ‘n stuk gereedskap wat hy liefdesoorweldiging* noem, waar
hy enige iets sal doen om ware liefde na te maak. As die slagoffer eers op ‘n romantiese vlak
na die toksiet begin kyk, dan het hy ‘n basis van vertroue geskep en daarmee kan hy nou diep
begin delf in die gedagtes en wese van die slagoffer. Alles wat waardevol is vir hom sal hy
uitsuig en in homself bewaar vir latere gebruik. Dit is wat ‘n introverte toksiet so gevaarlik
maak. Hy gebruik hierdie inligting vir manipulasie en mishandeling, en dit is vooruit beplan en
dit is gewetenloos.

Alle normale mense wat in ‘n verhouding betrokke raak of daarnatoe groei, wil altyd
bevestiging kry van die teenparty dat hulle ook besig is om gevoelens te ontwikkel. As die
toksiet nou bevestig en met vals dade van ‘intens verlief wees’ vorendag kom, dan maak die
slagoffer haarself oop en word selfs meer kwesbaar as gevolg van die toksiet se kategoriese
bevestiging dat hy sterk identifiseer met die slagoffer, dat hulle soveel in gemeen het en dat,
volgens die narsis, daar liefde in wording in die verhouding is. Dit is dan wanneer die toksiet
in die siel van die slagoffer inkruip en dis van waar hy sy afpersing en verwoesting begin. Dit
is nie 'n persoon wat ons wil leer ken vir die regte redes soos in 'n soort menslike verhouding
of band nie – dit is 'n vaste roetine wat 'n toksiet gebruik om jou in hulle strik van mishandeling
te vang. Ons ken almal mense daar buite wat voordeel sal en kan trek uit ander mense, maar
ons het nooit regtig besef dat daar 'n psigopatiese gedierte van hierdie aard en graad bestaan
nie, nog minder besef dat hy so onsigbaar in sy manipulasie is. Hy het ‘n agenda om die
slagoffer se vertroue te gebruik om iets te kry vir homself wat hy met sy hele wese begeer,
naamlik die goedheid van sy slagoffer. Sy slagoffer is immers iemand wat hy uitgesoek het
met die opsetlike doel om al sy eie tekortkominge te versadig. Dit is toksiese voorraad* op
sy heel beste.

Die gebruik van die regte "emosie" op die regte tyd maak die slagoffer emosioneel oop vir die
emosioneel afsydige en koue toksiet wat van agter sy vals persona gluur, soos 'n roofdier wat
sy prooi bekruip en wag om die persoon te bespring. Narsiste is gewetenloos van nature en
ontwapen ander met hulle verleidelike sjarme, hulle manier van praat, hulle gebare en
nagemaakte lyftaal. Hierdie items is alles ‘n spieëlbeeld van die slagoffer se handelinge en hy
mimiek dit sodat die slagoffer die vals gevoel kan kry dat die toksiet baie dieselfde is as hy.
Wat meer is, die toksiet is so uitgeslape dat hy in elke deel van die ontwikkeling van die
verhouding, net die regte ding sal doen of sê wat die slagoffer op daardie oomblik nodig het.
Dit is wat veroorsaak dat die slagoffer regtig aanklank vind by die toksiet en dan verstrik raak
in sy vangnet. Narsiste ontgin die mens se behoefte vir liefde om tot sy eie voordeel ‘n
verhouding te skep deur homself te kamoefleer met 'n verskeidenheid EMOSIES (wat
dieselfde is as die slagoffer se emosies) om sodoende 'n pad te maak of 'n deur te open na
haar brein en hart. Manipulasie en positiewe bevestiging van die slagoffer se 'persoonlike
oortuigings en voorkeure' veroorsaak 'n vorm van duiselingwekkende disoriëntasie, en so
begin sy hom vertrou en dan word haar identiteit of persona verswelg deur die toksiet se
gedrag en alom teenwoordige manipulasie. Dit stel die slagoffer in staat om veilig te voel,
want ons waardes en emosie word versterk deurdat dit na ons teruggekaats word (want die
toksiet gebruik jou eie waardes asof dit syne is), om sodoende te bevestig dat daar ‘n band

* Verwys asseblief na die Verkorte Woordelys agter. 86