Page 84 - Getroud met 'n Leuen

NabasDiep VERLIEF OP 'n LEUEN

Agter hierdie drang na "spesiaal wees" is egter dikwels 'n brose selfbeeld met ernstige
verhoudings, vertroue en sekuriteit kwessies. In verhoudings en in lewensituasies doen
sommige histrioniese narsiste "toetse" om te sien of mense bereid is om "die ekstra myl te
loop" om hulle te dien, te paai of te red en sodoende hulle brose selfwaarde te bevestig.
Ongelukkig is die probleem met voortdurend op soek te wees na erkenning van buite, dat 'n
mens nooit werklik tevrede sal wees met jouself aan die binnekant nie. Vir die histrioniese
toksiet hou die tydelike bevrediging van eksterne goedkeuring nooit op nie, en dit is nooit
genoeg nie.

Aangesien die histrioniese
toksiet se primêre fokus in die
lewe goedkeuring en
selfbevrediging is, word ander
mense se gedagtes, gevoelens
en prioriteite dikwels met min
of geen oorweging
verontagsaam (tensy die
histrioniese toksiet iets van
hulle wil verkry). Hierdie
narsiste het ‘n ongelooflike
vermoë om empatie te vervals
sodat dit opreg en waar lyk,
maar in wese is hulle totaal
gebrekkig aan empatie en aan
omgee vir ander. Gemeet aan
normale mense se vlakke van
omgee, is daar by hulle geen
sprake daarvan nie. Een van die
opvallendste eienskappe van
sommige histrioniese narsiste is
hulle vermoë om menslike
swaarkry te sien (hetsy in
persoonlike lewe of
samelewing in sy geheel), maar dit bloot net af te skud, en selfs misnoegdheid uit te spreek
of selfs minagting as ander se probleme indruis teen hulle selfsugtige idees.
Baie histrioniese narsiste veronderstel dat die wêreld net om hulle wentel, en is vinnig om
grense te oorskry en mense vir persoonlike gewin te manipuleer en hulle regte te betree.
Hulle teiken dikwels individue wat hulle sielkundig, emosioneel, fisies, seksueel, materieel
en/of finansieel kan uitbuit. Sodra die histrioniese toksiet klaar voordeel getrek het uit die
slagoffer, kan hulle aan beweeg sonder 'n tweede gedagte. Histrioniese narsiste bou nie ‘n
verhouding nie. Hulle gebruik net. Onthou... hulle is die mees vaardige manipuleerders omdat
hulle hulle slagoffer heeltemal ontwapen. Hulle kom deur goedheid, nuttigheid, 'n masker
van onskuld en sjarme. Hulle masker is die “ soet, onskuldige, prettige, energieke, mooi,
'nuttig vir wie dit nodig het' goeie vrou of man.”

* Verwys asseblief na die Verkorte Woordelys agter. 84