Page 88 - Getroud met 'n Leuen

NabasDiep VERLIEF OP 'n LEUEN

Narsiste gebruik nie net hulle sjarme en vernietigende manipulasie op hulle huweliksmaats
en in verhoudings nie, dit is hulle hoofinstrument wat hulle in elke aspek van hulle lewe
gebruik. Hulle is in 'n konstante manipulasie en kamoeflerings modus en gebruik sjarme op
elke persoon in elke lewenswandel op soek na mense omdat hulle behoeftes so groot is en
hulle ten alle koste mense moet gebruik om hulle tekortkominge aan te vul. 'n toksiet hoef
net aan te sluit en te luister om uit te vind wat motiveer en dryf 'n persoon of selfs 'n groep.
Narsiste sal dan die beskikbare dinamika absorbeer en naboots sodat hulle dit kan ontgin, uit
buit en gebruik by elke geleentheid om al die voorraad te neem wat hulle kan neem,
Uiteindelik dien hulle die uiterste vernietiging waaraan mens kan dink, aan slagoffers toe.
Solank dit voorraad is vir hulle onversadigbare drang na toksiese kos, gee hulle nie om nie.
Hulle kan wegkruip agter die kamoeflering van die plaaslike kerk, 'n liefdadigheidsorganisasie,
politieke beweging, professionele groep of besigheid. Hulle kan 'n professionele graad
verwerf en 'n loopbaan of beroep hê soos 'n dokter, prokureur, prediker, uitvoerende hoof,
of in die sielkundige of gedragswetenskappe. Die wêreld is hulle speelgrond en ons is hulle
speelgoed om mee te speel en dan weg te gooi.

Die Verstaan Van Narsisme
Ons gebruik dikwels die woord "narsis" om iemand te beskryf wat dalk onaangenaam,
arrogant of selfbehep is. Narsisme beskryf egter ook 'n ernstige geestesgesondheid kwessie,
en individue wat te veel van sekere eienskappe vertoon, kan gekategoriseer word as ‘n
Narsistiese persoonlikheidsversteurde. Om klinies gediagnoseer te word as narsisties
persoonlikheidsversteurd, verklaar die Diagnostiese en Statistiese Handleiding van
Geestesversteurings (of die amptelike handboek vir professionele terapeute) dat 'n individu
5 van 9 genoteerde toksiese eienskappe van persoonlikheidsversteuring moet hê. Dit sluit in:

• Hulle het nie empatie vir ander nie. Hulle vervals empatie en praat baie oor hoe hulle
vir mense omgee, maar inherent is hulle heeltemal leeg aan empatie in hulle lewe en
aksies. Hulle het wel gereedskap wat hulle kan gebruik om te help om empatie te
vervals, soos geld, geleerdheid, posisie, en vele meer maar dit is als komponente wat
meesal daarop gemik is om ander te beïndruk en dit alles om ‘n vals fasade voor te
hou of te vertoon.
• Hulle glo dat hulle inherent belangriker is as dié rondom hulle. Dit word
gedemonstreer deur hulle optrede, hulle totale verontagsaming van ander mense se
sienings, oortuigings en minagting van ander mense se regte en reg op eie persoonlike
spasie en tyd.
• Hulle smag na erkenning vir hulle inherente meerderwaardigheid. Hulle sal gedurig vir
ander laat verstaan hoe hard hulle werk, hoe besig hulle is, hoe hulle tyd deur ander
gebruik en misbruik word net sodat hulle bejammer, erken of geag kan word.
• Hulle vertoon uiterste arrogansie deur hulle gesindheid en gedrag. Hulle luister selde
na wat ander sê en sal gereeld inbraak maak wanneer ander praat, of bo-oor ander
praat.
• Hulle is paranoïes dat ander op hulle afgunstig moet wees, want dit wys hoe belangrik
hulle is.

* Verwys asseblief na die Verkorte Woordelys agter. 88