Page 87 - Getroud met 'n Leuen

NabasDiep VERLIEF OP 'n LEUEN

besig is om te vorm, ‘n verhouding en selfs liefde. Narsiste weet dat, as hulle 'n slagoffer op
hierdie manier en op hierdie vlak kan beheer, het hulle ook die gereedskap om 'n slagoffer
diep binne te dring en emosioneel te manipuleer. Die slagoffers is nou ‘verslaaf’ en sal diep
geheg raak aan die toksiet – dit versterk eenvoudig die basiese beginsels waarmee ons
grootgeword het en dit is om te vertrou, verlief te raak, en dan lief te hê. Ongelukkig is dit nie
op ‘n normale manier dat die toksiet dit bereik het nie, baie eerder deur die pad van toksiese
manipulering. Dit is deur gebruik te maak van die valse spieëlbeeld van jou wat hulle aan
geneem het vir hulleself, al is dit net tydelik. Hy sit heerlik agter sy masker en grynslag.

Hulle oorkompenseer vir hulle leë en emosielose self met daardie buitengewone sjarme of
charisma, en valse persoonlikheid. Hulle manipuleer ander deur vals emosies wat die meeste
mense as eg ervaar en dan ook so teenoor die toksiet laat optree, as ‘n gewone mens. Die
ongelukkige aspek met 'n toksiet is dat daar 'n agenda is wat hulle volg, waar hulle jou afpers
en dan begin om jou geestes stelsel aan te val deur verskriklike dade van verraad,
breinspoeling, gaslig gee*, lieg, steel, ens., te pleeg om jou heeltemal te ontwortel, te beheer,
onmenslik te behandel en te vernietig. Dit is wanneer die toksiet sy patologie openbaar en hy
op sy vernietigendste optree. Dit is die siklus van sy mishandeling. Dit is waar die toksiet se
masker gly en die laakbare gedierte van binne op sy agtervoete gaan staan en sy tande in sy
slagoffer inslaan en poog om
haar te verslind nadat hulle
toegang gekry het tot jou lewe
en ook gekry het waarvoor
hulle gekom het. Basies beheer
hy die slagoffer om haar
verward te hou sodat die
toksiet kan aanhou om daardie
voorraad te neem totdat hulle
versadig is.

Wat is dan die sin in al hierdie
dinge? Niks vir die gewone
mens nie, dit beskryf hulle
persoonlikheidsversteuring en
hulle vernietigende aard. Hulle
verwring nie net alles wat hulle
kan nie, maar vernietig jou in
die proses om jou te straf om
sodoende hulle identiteit te
beskerm. Dit was alles net 'n proses om jou te vang in ‘n huwelik of verhouding om jou te
mishandel en te gebruik, maar daar was nooit die bedoeling vir ‘n verhouding met jou op 'n
menslike vlak nie. Hulle was basies net soos 'n roofdier wat bekruip, verwond en dan sy prooi
doodmaak sodat hy voedsel kan kry! Of hulle bewus is van hulle dade of nie, dit regverdig
geensins die onmenslike en wrede behandeling nie.

* Verwys asseblief na die Verkorte Woordelys agter. 87