Page 92 - Getroud met 'n Leuen

NabasDiep VERLIEF OP 'n LEUEN

Hoekom Is Emosies Glad Nie Ontwikkel in Narsiste Nie?

‘n toksiet kan nie ‘n gesonde of gelukkige verhouding hê nie, dit is bloot net nie moontlik nie
vanweë die psigopatiese neigings. Die toksiet homself is in slegte gesondheid want hy dra 'n
siekte, 'n disfunksie as mens dit reguit kan stel. Hy gaan deur die lewe met slegs 'n deel van 'n
menslike brein, die res van daardie brein bestaan uit verwarring, misleiding, leuens, hartseer
en wrede gedagtes... dit is inderdaad 'n baie donker plek. Waar ons grys materie het wat
emosies dryf, soos liefde, lojaliteit, omgee en empatie, het hulle 'n donker gat van
verwoesting en ellende. Sonder hierdie emosies is 'n gedierte soos die toksiet eenvoudig nie
in staat om sy vennoot te voorsien van die kameraadskap wat van 'n geliefde verwag word
nie.
Die slagoffer word binne in die lokval van die toksiet in gelok, bloot deur die toksiet se siek en
donker vermoë om die emosies wat hulle nie besit nie, na te boots. Sodra die slagoffer geflous
is deur hierdie nagemaakte emosies en vals beloftes ten opsigte van sy verhouding, en haar
waaksaamheid verminder as gevolg van die bedrog, vertrou sy haar toe aan die narsis. Die
slagoffer het nou die toksiet toegelaat om haar liggaam, verstand en gees te vul met die
belofte van liefde wat die toksiet soos ‘n wortel voor haar neus geswaai het, maar die toksiet
stel al lankal nie meer belang in liefde nie, hy dink net wat hy alles sal kry deur die devaluasie*,
verwerping en emosionele mishandeling. Dit is 'n suiwer grutoneel van versteekte
verwerping, gaslig gee en die een leuen op die ander. Dit is 'n opvoering, gedirigeer deur die
narsis, met die slagoffer wat die hoofrol speel, en aanvanklik sal die slagoffer onwetend
saamspeel. Later sal dit meer wees vir oorlewing met 'n gespook en gespartel om te probeer
loskom uit die vangnet van die narsis, maar dit mag te laat wees en 'n huwelik het dalk al klaar
die boeie aan die slagoffer/eggenoot geslaan.

Daar is geen perfekte verhouding vir die toksiet nie... Hulle moet by die draaiboek hou:
Idealisering* / Liefdesoorweldiging* / Devaluasie* / Verwerp – dit is die hooftema van die
draaiboek. Daar is geen ander manier nie!

Narsiste Het Geen Self Identiteit Nie.

Die kern van narsisme is 'n gebrek aan selfidentiteit. Op dieselfde manier as wat 'n baba geen
idee het dat die blou wat hy sien, nie die hele heelal is nie, so het 'n toksiet ‘n groot probleem
om te verstaan dat hulle 'n normale deel is van die gemeenskap, 'n persoon in eie reg. Vir
hulle is hulle die enigste mens met ‘n reg om te mag bestaan. Enige iets wat die normale
ontwikkelingsproses van ‘n kind onderbreek en veroorsaak dat hy 'n fase oorslaan, sal lei tot
hierdie gebrek aan selfidentiteit. 'n Kind moet vorder van: Baba - Kruiper – Kleuter - Kind -
Vroeë Tiener - Tiener - Jong Volwassene - Volwassene. Indien enige een, of meer as een, van
hierdie stappe oorgeslaan word, sal die persoon identiteit gebaseerde probleme hê. En dit
hoef nie 'n 'trauma' as sodanig te wees nie - in werklikheid word narsiste meestal op die
volgende twee maniere gevorm:

Die kind word gedwing om 'n stap in sy ontwikkeling oor te slaan, soos byvoorbeeld dat sy
gedwing is om op agtjarige ouderdom na 'n baie siek ma om te sien en haar bababoetie groot
te maak terwyl die pa 16 uur per dag gewerk het om vir mediese rekeninge en kos te betaal.
Sy is nooit toegelaat om van 'n kind tot 'n tiener en dan na 'n volwassene te ontwikkel nie. Dit

* Verwys asseblief na die Verkorte Woordelys agter. 92