Page 93 - Getroud met 'n Leuen

NabasDiep VERLIEF OP 'n LEUEN

kan ook wees dat die kind nooit nodig gehad het om groot te word nie. Soos in die geval van
‘n paar neefs en niggies van my en veral ‘n spesifieke neef met baie probleme. Hy het die
liefdevolste en pligsgetrouste ouers denkbaar gehad. Daar was nooit van hom verwag om die
verantwoordelikhede van volwassenheid te aanvaar nie. Hulle sou altyd vir hom pa staan en
uit enige situasie red. Daarom het hy geleer as hy nie iets wou doen of vir iets wou betaal nie
– skep net 'n 'situasie' en mammie en pappie sal altyd tot die redding kom. Dit kan ook
ontstaan as ouers ’n groot ophef van ‘n kind maak. Dit gee die kind die indruk dat hy/sy die
enigste mens op aarde is, of die mooiste is, of die beste of wat ook al die verhewenheid
veroorsaak om oorweldigend in die toksiet te manifesteer.

Waarskynlik is die mees simplistiese en akkurate beskrywing van 'n toksiet dat hy 'n kind is
wat nooit groot geword het nie. Meer wetenskaplik kan mens dit so stel dat vir die brein om
die meer komplekse emosies soos empatie te kan skep, moet die neurale paaie in die brein
deur volgehoue, versterkende gebeure wat oor en oor plaas vind, geskep en ingeskerp word.
Om hulle as het ware in die brein in te brand. As gevolg van die voorheen genoemde probleme
in die kinderjare, het die toksiet nooit hierdie neurale paaie ten volle ontwikkel nie. Ons word
gebore met gevoelens soos pyn, koud en warm. Maar ons is nie gebore met emosies wat ten
volle ontwikkel is nie. Jy leer eenvoudige emosies soos woede en vrees vinnig aan, al van voor
ons geboorte af en van daar oor die jare ontwikkel meer komplekse emosies. Maar nie in die
geval van ‘n toksiet nie, vir hulle moes hulle eintlik ontwikkel het, maar het nie. 'n Groot deel
van toksisiteit is in werklikheid die wete dat as jy nooit emosioneel betrokke raak in enige
situasie nie, sal jy altyd 'wen'. En vir 'n toksiet beteken dit om die misbruiker/molesteerder en
NIE die slagoffer te wees nie. En die toksiet kan daardie kennis nie ontleer nie, dis in hom in
geprogrammeer of ingebrand vir ewig.

Hoofstuk Ses: Hoekom Raak Ek En Jy Betrokke By 'n Narsis?

Karakter-eienskappe Van Slagoffers Van Narsisme.
Hoe meer mense daar in die wêreld is, hoe meer skyn dit dat daar allerhande soorte afwykings
en versteurings bykom om die ou mensdom net meer gevaarlik te maak. Of sal mens eerder
sê dat daar al meer gevaartekens is waarop mens moet let in verhoudings in hierdie tye?
Ongelukkig is dit so dat daar vele mense is wat in toksiese verhoudings vasgevang is, en in
meeste van die gevalle is die slagoffer die een wat skuldig voel, wat swaarkry en nie regtig
weet wat die probleem is nie. Teen die tyd dat die slagoffer besef dat daar iets verkeerd is in
die verhouding, is die self twyfel reeds so ver gevorder dat dit moeilik is om die boom van die
bas te onderskei. Slagoffers besit sekere eienskappe waarin toksiese mense baie belangstel.

Verborge (kwesbaar-broos) narsiste is geneig om 'n sekere persoonlikheidstipe te teiken. Dit
is mense wat eienskappe besit wat hulle begeerlik maak vir narsiste. Hier is ‘n paar van die
eienskappe waaroor slagoffers (empate) kan beskik:

• Hulle is stil en onafhanklik.
• Hulle besit ‘n omgee geaardheid (hulle bejammer die kwesbare kant van die narsis).
• Hulle is sensitief en gevoelvol.
• Hulle het ‘n sterk wil.

• Hulle sosiale netwerk is nie baie groot nie.

* Verwys asseblief na die Verkorte Woordelys agter. 93