Page 83 - Getroud met 'n Leuen

NabasDiep VERLIEF OP 'n LEUEN

haas onmoontlik om dit te doen, en daarom is dit ook selde dat hierdie mense gediagnoseer
word met ‘n afwyking. Dit is slegs wanneer hulle afwyking ernstige gevolge van depressie het,
dat hulle vir so ‘n rede mediese of sielkundige hulp sal soek.

Daar is sekere oorvleuelings in simptome tussen NPV en HPV en hieronder is sewe tekens van
'n oor-emosionele histrioniese narsis, met verwysings na die boeke How to Successfully
Handle Narcissists en A Practical Guide for Narcissists to Change Towards the Higher Self.
Terwyl sommige mense van die eienskappe hieronder van tyd tot tyd mag vertoon, wat
gewoonweg nie 'n groot probleem is nie, sal 'n histrioniese toksiet gereeld een of meer van
die volgende afwykings vertoon, en mag dit aansienlike verwoesting en skade berokken aan
slagoffers en die toksiet self.

Histrioniese narsiste het dikwels die neiging om erge dramatiese negatiewe emosies uit te
stal wanneer hulle nie die aandag, waardering of geregtigdheid ontvang wat hulle glo hulle
verdien nie. Dit kan wissel van om nie vinnige kliënte diens te kry nie, tot ‘n eggenoot wat ‘n
gebrek aan oplettendheid (soos in dadelik) het, om voor "nee" gesê te word wanneer hulle 'n
"uitsondering op die reël" vir hulleself soek, of in ander gevalle wanneer hulle self opgestelde
voorregte nie die nodige aandag kry nie. Histrioniese narsiste is dikwels onredelik in hulle eise,
onbillik in die manier waarop hulle mense behandel, onsensitief vir die probleme van ander,
en onvoorspelbaar in hulle emosionele reaksie. Of dit nou intense woede (toksiese woede) of
maniese uitbarstings (histrioniese drama) is, hulle beskou dikwels 'n gebrek aan
oplettendheid en ‘n uitstel van aandag as 'n bedreiging vir hulle selfbeeld, en reageer met
vyandigheid en selfs aggressie. Hulle oorweldig hulle slagoffers met intense negatiewe drama
(gaan ballisties) of deur hulle slagoffers te intimideer met die hoop om te kry wat hulle wil hê.

Die anderkant kant van die vertoon van te dramatiese negatiewe emosies om aandag te kry,
is om oppervlakkige dramatiese positiewe emosies vir dieselfde einddoel uit te stal. Hulle
het uitsonderlike 'oppervlakkige' sosiale vaardighede wanneer hulle dit wil gebruik
byvoorbeeld ekstroversie, beplanning van pret aktiwiteite, ens. Dit is geen verrassing dat baie
mense hulle beskou as die 'lewe van die partytjie' nie. Hulle is geneig om talle oppervlakkige
en vlak verhoudings te hê wat hulle vriende noem (insluitend mense wat hulle geken het vir
'n hele paar jaar). Alhoewel hulle sogenaamde vriendskappe kan hê wat oor ‘n paar jaar strek,
is dit vir hulle ongelooflik maklik om van ‘n vriendskap ontslae te raak sonder veel emosie.

Hier kan die histrioniese toksiet sjarme en verleiding gebruik om hulle teikens "oor te wen"
(en sodoende hulle aandag en onderdanigheid te beheer). Voorbeelde sluit in onopregte
vleitaal, 'n beroep op ydelheid en ego, valse vriendelikheid en aanvaarding, oordrewe
nabyheid en intimiteit, die beloof van positiewe belonings nadat negatiewe behandeling
uitgedeel is, ens. Sommige histrioniese narsiste is bedrewe met die oorskakeling tussen
positiewe en negatiewe emosies. As hulle nie die spesiale aandag kry wat hulle glo hulle
verdien deur die oppervlakkige vleier te wees nie, kan hulle baie skielik rigting verander en 'n
die vyandige aggressor word. Hoofrede vir die te dramatiese gedrag (beide negatief en
positief) van die histrioniese toksiet is die onversadigbare begeerte vir aandag en
goedkeuring.

* Verwys asseblief na die Verkorte Woordelys agter. 83