Page 21 - WieEkIs Erin Nel

Die saadjie onder die grond

Ons almal se saadjie begin onder die grond, alhoewel ons
elkeen se proses van ontkiem en groei verskil. Die Woord sê:
“So is dan hy wat plant of hy wat natmaak, niks nie, maar God
wat laat groei.” (1Kor 3:7). Dit is God wat laat groei, en soos ons
oorgegee is in Hom sal God ons nuut maak. Die saadjie lê onder
die grond, dit het geen idee wat om te doen nie, behalwe om
te doen waarvoor dit geskep is – om te ontkiem en te begin met
sy groeiproses. Die proses is ingebou in die saadjie. Dit is wie
hy is, dit is wat hy doen. Dit is wat jý bestem is om te doen, dit
is deel van wie jy is. Om te ontkiem, te groei, om te reik na die
Lig, omdat die lewe in jou soek na die Lewe-Gewer. Soos die
plantjie, ontdek ons eers wie ons is en wat ons roeping is,
wanneer ons in vertroue begin leef in dit wat in ons gebou is -
die beloftes wat Hy vir ons het en die Goddelike visie wat Hy vir
ons lewe het.

16