Page 24 - WieEkIs Erin Nel

peins, vra ek my af 'sal die Here vir altyd verstoot en nooit weer
genade betoon nie? Het daar vir altyd ‘n einde gekom aan Sy
trou? Geld Sy beloftes dan glad nie meer nie? Het God vergeet
om medelye te hê? Het Hy in Sy toorn Sy ontferming onttrek?"
(Psalm 77:2-10, Nuwe Vertaling).

Die vervalle wêreld waarin ons leef het so dikwels die vermoë
om ons voete onder ons uit te slaan. Die gebrokenheid in die
wêreld rondom ons is soms so oorweldigend dat ons struikel
terwyl ons probeer om heel anderkant uit te kom. Ons sien deur
hoeveel emosionele pyn getroude paartjies moet deurwerk
wat besig is om te skei. Ouers staan dikwels by hul kinders se
oop graf. Meisies en seuns probeer verbete loskom uit dwelms,
seksuele misdrywe en verhoudings wat misluk. Pa's voer ‘n
stryd onder finansiele druk. Ma's verkeer onder druk omdat die
samelewing hoë eise stel ten opsigte van moederskap en
vrouwees.

Die druk raak meer, die lewe raak vinniger en ons moet net
byhou no matter what. Ek het ‘n hartsvriendin wat sê haar
lewensmotto is "Fake it untill you make it". Maak nie saak hoe
die branders van die lewe haar meesleur en rondslinger nie, sy
moet maar net voortbeur en maak asof alles okay is, cope sodat
dit wel lyk asof sy in beheer is. Een dag op ‘n slag. Oorleef. Wat
nog te sê van voluit leef! Ons raak moedeloos met die geveg in
ons gedagtes, die geveg in ons harte - finansiële druk,
groepsdruk, aanvaarding, verwerping, liefdeloosheid,
hopeloosheid, prestasie en presteer en skuldgevoel. Ons voel
skuldig oor die feit dat ons skuldig voel.

19