Page 26 - WieEkIs Erin Nel

leiding van Moses (Eksodus 12:31-40). In die 400 jaar wat die
Israeliete in Egipte gevestig was het hulle daagliks ‘n
sukkelbestaan gevoer. Namate die tyd aanstap het hulle vergeet
wie hulle was, wie hulle geroep was om te wees. Hulle het hul
ware identiteit verloor in beide hulself en God.

Moses was geroep om God se mense uit te lei uit ‘n heiden land
waar hul eens vreemdelinge en slawe was. Hulle het
grootgeword met ‘n vals identiteit. Hierdie groep Israeliete het
in Egipte verloor wie hulle was. Hulle het hulself gesien as slawe,
alhoewel God hul identiteit gesien het as Sy uitverkore volk. Sy
geliefde volk oor wie daar boeke geskryf is, vir wie daar
wonderwerke gebeur het. Dit alles het metertyd in hul harte
vervaag en verlore geraak. Hulle het van hul God vergeet, soos
hulle gedink het Hy van húlle vergeet het. Van hul swaarkry en
smart elke dag, elke nag, 400 jaar lank. Smeekgebede wat geen
antwoord gebring het nie. Vir 400 jaar!

Wie voel nie soms ook so nie? Jy voel dat God van jou vergeet
het, dat jy alleen staan in jou omstandighede, dat Hy nie omgee
nie. God voel ver, of totaal afwesig. Jy voel soos ‘n weeskind en
'n geestelike weeskind daarby. Soos met die Israeliete, dat God
as Vader net nie jou smart, sukkel en seer raaksien nie. Maar
selfs diegene rondom jou seën, help en ‘n Vader vir hulle is,
terwyl jy oorgeslaan word. Elke keer. Jy voel asof jy oorgeslaan
word. Jou bagasie word meer en swaarder en daar is geen Hand
wat help nie.

Jy ervaar nie die sekuriteit van die Vader se omhelsing nie. Die
Vader voel nie soos jou huis, veilige hawe nie. Jy voel vervreem

21