Page 27 - WieEkIs Erin Nel

van God. Dit voel nie soos ‘n realiteit dat God as Vader jou
liefhet en van jou hóú nie. Pappa God, jou iefdevolle hemelse
Vader voel nie soos jóú Vader nie. In tye soos hierdie maal die
vrae deur jou kop: het God my werklik lief? Of selfs, het ek
regtig vir Gód lief?

Gaan loer gerus na die storie van die verlore seun in Lukas
15:11-31. Hier sien ons twee broers, albei gaan gebuk onder ‘n
weeskind mentaliteit. Die jongste seun verkwis sy pa se erfgeld
deur plesier in die wêreld te gaan soek en sy ouerhuis te verlaat
alhoewel sy pa steeds lewe. Die oudste seun spandeer sy tyd
om tuis te bly en hard vir sy pa te werk om sodoende sy pa se
liefde en guns te verdien, onwetend dat hy alrééds sy Pa se
liefde en guns het. Die weeskind mentaliteit laat ons optree
vanuit hierdie twee hartsgesindhede. Soos die jongste seun
hardloop ons weg van God en soek vervulling in dinge van buite
soos plesier, verslawing, materiele besittings en fisiese
voorkoms. Daarteenoor is daar van ons wat soos die oudste
seun, prestasie gedrewe is weens ons weeskind hart. Die sukses
in wêreldse dinge word ons dryfkrag. Ons verval in
godsdienstigheid omdat ons voel hoe meer ons vir God kan
dóén hoe liewer sal Hy ons hê. Hoe harder ons werk, hoe beter
is ons. Dán sal ons God se guns en liefde hê.

By beide hierdie twee gaan dit oor die self, en nie meer oor God
nie. Gee vir mý, raak mý aan, vul mý, doen dit vir mý. Of – ék
doen, ék gee, ék help, ék los die probleme op, ék doen dit uit
mý krag. Ons het al almal in een van hierdie katogorië geval, of
talm dalk nogsteeds daar. In geestelike terme kan ons alles hê,
maar steeds leef vanuit ‘n weeskind mentaliteit.

22