Page 28 - WieEkIs Erin Nel

God het ons nie as weeskinders gelos nie, Jesus het gekom om
ons verhouding tot Pappa God te herstel. Eers wanneer ons
begin glo dat ons vir God waardevol is, kan ons identiteit herstel
word. Ons ontvang seën van God slegs uit Sy genade en liefde
vir ons. Wanneer ons Vaderloosheid genees is, kan ons
inbeweeg in ons identiteit as seuns en dogters van God – mede-
erfgename in Christus met enorme seëninge wat daarmee
gepaard gaan. Dit is ons hemelse Vader se harts-wens om ons
te seën en Sy liefde met ons te kan deel. Hy wag met oop arms
dat ons na Hom terugkeer, terug hárdloop! God is ons elkeen se
Abba, Vader, Pappa. Die normale Christelike lewe vir ons is om
Pappa God se hart te kan hoor, Sy aangesig te kan sien en Sy
liefde te kan erváár. Sodra ons nie hierdie dinge kan ervaar nie,
gaan ons na valse, en nagemaakte liefde soek.

Te midde van dit alles voel jy nie net ver van God nie, maar ook
so ver verwyderd van waar jy eens was dat jy regtig nie meer
weet waar om te begin soek nie, hoe om te begin soek nie. Tog
is hierdie soeke na self ‘n proses. En ‘n proses neem tyd.
Sommige dinge neem tyd om te ontkiem en te groei. Die proses
van heel word, nuut word, ek-word neem tyd. Dit kan amper
vegelyk word met swangerskap. Die proses waartydens nuwe
lewe vorm neem 9 maande om te voltooi. Elke fase het
waardevolle tyd nodig vir die fetus om te groei en al die organe
neem tyd om tot volle potensiaal te groei en die funksie te
verrig waarvoor dit geskep is. So ook ons elkeen se persoonlike
groei in ervarings.

Elke ervaring in die lewe, is wat jy daarvan maak. Elkeen dien ‘n
doel. Of dit is om jou te toets, te stig, te leer, of te inspireer. Hoe

23