Page 33 - WieEkIs Erin Nel

Wie is ek?

“Nobody can teach me who I am. You can describe parts of me,
but who I am and what I need is something I have to find out
for myself.” – Anoniem

Die vraag bo alle vrae. Wie is ek? Wie dink ek is ek? Wie dink
ander is ek? Ons almal het al daardie oomblik gehad waar
iemand sê "vertel my meer van jouself. Wie is jy? Ons besef dan
skielik dat dit nie iets is waaraan ons regtig dink nie. Of WIL dink
nie. Dalk het ons so besig geraak in ons daaglikse bestaan dat
ons nooit kans gehad het om daaraan te dink nie? Dalk was die
besig bly juis die manier om ons weg te hou van hierdie
gedagtes.

Wanneer bereik ons die plek in ons lewenswandel waar ons
onsself afvra "Wie is ek?" Daardie teer punt van introspeksie,
dieper delf. Wanneer jy nie meer met ‘n hand grafie die grond
van jou hart net kan versteur nie, maar met ‘n graaf moet spit.
Diep spit. Grawe. Wanneer kom ons by hierdie punt? Wanneer
dit moeilik gaan. Wanneer die lewe druk toepas en wanneer jy
in troebel waters kleitrap. Wanneer jy onseker raak oor dinge,
oor jouself, dalk oor God. Wanneer jy voel niemand sien jou
raak, het jou nodig of net wanneer jy regtig nie meer sin sien in
jou lewe nie. Wanneer selfs die positiewe dinge in jou lewe
negatief raak.

28