Page 38 - WieEkIs Erin Nel

het waar geword.

Dit is só dat jy Godgewe drome sowel as wêreldse drome kry.
Ons het ‘n verantwoordelikheid om God ook met ons drome te
ken, Hy is immers die een wat dit aan ons gegee het! Om seker
te maak ons pelgrimsreis loop wel langs die regte pad, moet ons
seker maak ons drome kom wel van God af en is nie net uit ons
eie begeertes nie. Ons moet ons droom aan God oorgee.
Oorgee en nie AFgee nie. Hiermee bedoel ek ons moet God
steeds bo ons drome eer en die droom (en ons plan) laat vaar
en in Sy hande plaas. Ons moet Sy plan vir ons eerste stel. Nie
mý wil nie, maar Ú wil Vader. Plaas jou droom op die altaar.

Hierdeur sê ons eintlik, “Nie my drome nie Here, maar U drome
vir my.” Ons vra dus dat God daardie drome wat nie van Hom af
kom nie, sal wegneem en dit wat wel van Hom afkom in aksie
sal laat kom, te versterk in ons gees en dit sal seën. Ek en jy wil
tog nie ons hele lewe lank hardloop en werk en skarrel vir ‘n
droom wat God nie gaan seën nie. Hoeveel van ons is nie nou
tans op hierdie roete nie? Daar waar ons moeg, geirreteerd,
onvervuld en moedeloos is omdat ons planne net nie uitwerk
nie. God wil hê dat ons Hom uit liefde moet vertrou dat Hy ons
drome waar maak, en te besef dat dit nie uit onsself kom nie.
Maar uit Sy Vaderhand. Uit Sy perfekte liefde. U wil, en nie
myne nie.

‘n Droom is nie altyd iets wat skielik en spesifiek kom nie.
Hierdie geskenk van die hemel kan as ‘n proses kom, groei en
verdiep soos ons verhouding met God ook groei en verdiep.
Baie keer vra jou droom ook geloof en opoffering van jou om

33