Page 39 - WieEkIs Erin Nel

dit na te streef. Vasbyt, vashou en deurdruk. Dit gaan ook
bepaal hoe belangrik hierdie droom vir jou is. Gaan jy enduit
volhou? Want dit is só die moeite werd!

Wat gebeur wanneer ons omstandighede, fisiese beperkinge
en ons gedagtes (of mense se opinies) hierdie droom wil smoor?
Wil steel? Wanneer ons bang word vir ons droom, selfs bang is
OM te droom. Wanneer vrees in ons begin opvlam. Vrees om
te faal, te misluk of om buite ons gemaksone te funksioneer.
Bang dat ons hokkie net te veel geskud gaan word. Wat gaan
die mense sê? Of wat hét die mense al gesê!? Hierdie groep kyk
vas in die probleme en opofferings wat dit gaan verg om jou
droom te laat ontkiem en te laat leef.

Dan is daar ook die teenoorgestelde vrees wat rondom jou hart
kan kom lê, en soos ‘n koue wintersneeu jou gedagtes laat
vasval. Die vrees van "wat as ek suksesvol is?" Wat gaan ek doen
as my droom waar word? Hoe gaan ek dit hanteer? Hoe gaan
dit my situasie verander of omvergooi? Is dit dan regtig wat ek
wil hê? O, hierdie droom stelers! Hierdie leuens reg uit die hel!

Dit is so hartseer dat ons toelaat dat ons omstandighede en
gedagtes ons verwagtinge van die lewe beïnvloed. Dit beperk
ons so dat ons vrees om ons vlerke te sprei en te vlieg. Om juis
dit te doen waarvoor ek en jy bestem is, waarvoor ons geskep
is. Vrees vir die onbekende, vrees vir verwerping, en vrees vir
mislukking is maar ‘n paar wat ons weghou van ons droom of
roeping. Vrees. Vrees is die teenoorgestelde van God se liefde,
want Hy sê in die Woord, waar daar liefde is, is geen vrees nie,
want liefde verdryf vrees (1 Joh. 4:18). As ons dus ons droom

34