Page 44 - WieEkIs Erin Nel

media epidemie en kettingklerewinkels dat ons almal dieselfde
moet dink, lyk en leef? Wie se identiteit leef jy? Joune of die
identiteit wat die wêreld vir jou ten toonstel?

Ons moet elkeen tot die punt kom waar ons besluit: “Wanneer
gaan die wêreld die ware, regte ek sien?” Wanneer gaan ek en
jy ophou voorgee? Ophou ‘n vals ek wees. Iemand anders
uitleef. Ophou fake wees. Net ophou fake. Ons kan nie
inbeweeg in ons roeping, in wie ons geskep is om te wees as
ons nie onsself is nie. God kan nie ‘n kopie/namaaksel van jou
gebruik nie, hy soek jou; volledig jy! Hoe moet God jou seën en
oprig as jy nie jy is nie?

Is ek goed genoeg?

Een van die grootste leuens van vandag is: “Wie jy is, is nie goed
genoeg nie.” Of so dínk ons. Nie mooi genoeg nie, slim genoeg,
ryk genoeg, populêr genoeg, sterk genoeg, vinnig genoeg of
opwindend genoeg nie. Ons moet mooier, slimmer, ryker,
sterker, gewilder en net meer opwindend wees. Net altyd nog
meer, beter as die persoon langs ons. Ons vergelyk onsself
gedurig met diegene binne ons raamwerk. Grootmense,
jongmense, kinders, mans en vrouens. Almal doen dit.

Daar is ‘n Engelse gesegde wat lei: Keeping up with the Jones'.
En Fake it till you make it (onthou jy daardie een?) en keeping
up appearances. As ons eerlik is en mooi daaroor nadink, is dit
eintlik belaglik. Hoekom? Waar gaan dit ophou?

Baie min mense weet regtig wat hul identiteit is. Of wie hulle is.

39