Page 45 - WieEkIs Erin Nel

Daarom vergelyk ons onself dikwels met ander mense, mense
wat net soos ons, hulself óók vergelyk met ánder mense! So,
ons probeer ons identiteit bou op iemand anders, wat óók nie
weet wie hulle regtig is nie.

Om onsself met ander te vergelyk is een van die satan se groot
tegnieke om jongmense (eintlik ons almal) te kry om hulself te
oordeel as onvoldoende, dit wil sê nie goed genoeg nie. Dit is
gedurig ‘n hartsgesindheid van kyk wie se goed die beste,
mooiste of nuutste is, hetsy materiële goed soos die nuutste
slimfoon of meer persoonlike dinge soos kêrels, meisies,
eggenote of presteerder kinders. Altyd beter en beter.

Die feit dat ons onsself vergelyk en ongelukkig is met dit wat
God ons mee geskep en geseën het, maak dat die satan jou
ware identiteit kom aanval. Kom steel, want ons laat dit toe.
Ons gee dit vir hom, op ‘n skinkbord.

Hoekom?

Ons is ontevrede. Discontent. Dit beteken ons is ongelukkig
omdat ons hoop, begeertes, en verwagtinge nie verwesenlik
het nie. Ons wou meer hê as wat aan ons gegee is, ons het nog
begeer. Meer verwag.

Dit is so belangrik dat ons elkeen ons beeld vind, want as ons
dit nie doen nie, gaan ons toelaat dat die wêreld vir ons ‘n beeld
en etiket uitdeel omdat ons geneig is om juis dit te word waarop
ons die meeste fokus. Jy word dit wat jy liefhet.

40