Page 42 - WieEkIs Erin Nel

die Bybel. Abram se naam wat verander het na Abraham (vader
van menigte) en Sarai (my prinses) is verander na Sara (moeder
van baie nasies). Jakob se naam, (bedrieër), is verander na Israel
(jy het geworstel met God en die mense en het oorwin). God het
telkens hul name verander as ‘n teken van seën. Johannes die
Doper se naam beteken God was genadig. Jesus het ook geword
Immanuel, wat beteken God met ons. ‘n Naam is belangrik,
want dit vorm deel van ons identiteit, daarom is dit so hartseer
dat baie van ons nie weet wat ons name beteken nie. Weet jy
wat jou naam beteken? Doen jouself ‘n guns en gaan vors dit
bietjie na, gaan praat dan met God daaroor, dit kan vir elkeen
tot soveel seën en hulp wees om te verstaan wie hy/sy is deur
hul naam.

Identiteit kan ook omvattend wees van hoe jy uniek is aan die
manier wat jy dink, spesifieke keuses maak en hoe jy reageer in
bepaalde omstandighede. Hieruit kan ons agterkom dat
sommige mense meer emosioneel en ander dalk meer ernstig
of ekstroverties tot die wêreld reageer. Ons identiteit spruit uit
ons uniekheid, en dra positief tot ons roeping by.

Rolmodelle, ons inspirasie

Deur die jare op ons lewenspad soek ons altyd iemand om na
op te kyk, iemand om te bewonder, iemand wat vir ons ‘n
inspirasie is. Hetsy geestelik of sekulêr, hierdie persoon of
persone word vir ons ‘n wonderlike bron van inspirasie. Iemand
soos wie ons graag sou wou wees. Ons begin dalk hul styl volg,
ons hare so dra, ons lewensstyl so aanpas. Ons volg hul gereeld
in die media.

37