Page 36 - WieEkIs Erin Nel

Waarom koester ons ‘n droom?

As jy nie droom nie, of nie ‘n droom het nie, sal jy altyd soekend
deur die lewe wandel en vervulling op ander plekke soek en
nooit tevrede wees nie. As jy nie in jou droom glo nie, glo jy nie
in dit wat in jou lewe kan gebeur daardeur nie, jy glo dus ook
nie in jouself nie. Met ander woorde jy beperk jouself. Jy sit
jouself in ‘n boksie. Jy leef ‘n halwe, onvervulde lewe. Bietjie
kras, né? Maar sommer baie waar. Diep binne jou wéét jy dit,
soos ek dit weet. Ons almal weet dit, want ons dien ‘n
fantastiese kreatiewe God wat vir ons elkeen ‘n hartsdroom
gegee het. Besonders. Uniek. Wat net jy kan doen. Of jy dalk
vermoed wat dit is, of nog onseker is of dadelik weet waarvan
ek praat, dis joune. Dit lê in die hemel se skatkamers en wag en
wag en wag en wag vir jou. Al stel jy uit, gaan God dit nie afstel
nie. Dis joune. Dit was altyd joune en sal altyd joune wees.
Spesiaal vir jou.

Het jy ‘n droom om te sing? Te dans? Te bedien? Te skryf? Te
ontwerp? ‘n Fietsryer te wees? ‘n Atleet? ‘n Advokaat? ‘n
Swemmer? Om jou eie besigheid te besit en te bedryf? Party
mense droom daarvan om ryk te wees, party wil groot hoogtes
bereik en party wil net vervuld en gelukkig wees. Daar is ‘n
oneindige lys van drome wat God in mense se harte geplaas het
en elkeeen se raamwerk van sukses en geluk verskil.

Jy hoor van mense wat droom van ‘n spesifieke 'perfekte'
lewensmaat en dit dan kry! Mense wat droom om sportsterre
te word. Wêreldklas ballerinas. Gimnaste. Mense wat droom
om deur gasvryheid en kosmaak mense geestelik te kan bedien.

31