Page 23 - WieEkIs Erin Nel

Egipteland

“Soms wanneer jy in ‘n donker plek is dink jy jy is begrawe,
maar eintlik is jy geplant.” – Christine Cain

“Ek slaan my oë op na die berge: waar sal my hulp vandaan
kom? My hulp is van die Here wat hemel en aarde gemaak
het.” – Psalm 121:1-2

Ons almal gaan deur daardie gevreesde dal van doodskaduwee
waarvan die Psalmdigter praat. Net soos Dawid van ouds beleef
ons hedendaags dieselfde donker nagte, tye wanneer ons
gemoed swaar is, ons harte seer is en ons meer vrae as
antwoorde het. Tye wanneer ons voel soos ‘n saadjie wat diep
diep DIEP onder die grond begrawe lê. Asof ons al lank daar lê,
amper té lank. Asof ons vergete daar lê. Asof ons net nie kan
begin ontkiem nie, die groeiproses al so lank wag om te begin
dat ons al opgegee het. Daardie teer tye wanneer jy jou hart
voor God uitstort soos die psalmdigter:

“Ek roep na God om hulp, ek roep na God, want Hy sal my hoor.
In my nood soek ek hulp by die Here; ook in die nag bly my
hande uitgestrek sonder om moeg te word; maar ek vind geen
troos nie. Ek dink aan God en ek sug, ek dink na en ek is verslae.
U laat my wakker lê ontsteld en sprakeloos. Ek dink aan vroeër
dae, aan jare lank gelede. As ek so in die nag lê en terugdink en

18