Page 15 - Deeplom

15

1.3 Təmizləmə qurğusunun avtomatlaşdırma sxeminin izahı

Tərkibində qatışıqlar olan xam neft rezervuarlardan N2 nasosları vasitəsilə qurğuya

tərəf vurulur. Prosesdə istifadə olunması nəzərdə tutulan su N1 nasosları vasitəsilə

qurğuya tərəf vurulur. FT1 sərf transmiteri vasitəsilə suyun sərfi ölçülür və lazım

olduqda FCV1 sərf idarə etmə klapanı vasitəsilə tənzimlənir.

Xam neft İD1 istilik dəyişicisində 100-150°C qızdırılır. Ümumi neftin sərfinə

FT2 sərf transmitteri vasitəsilə nəzarət edilir. Texnoloji prosesdə istifadə ediləcək

deemulqatoru sərfi FT3 sərf transmitteri vasitəsilə ölçülür. Deemuqatorun prosesi

daxil edilməsi LT1 səviyyə transmitterinin göstəricisindən asılıdır. Beləki qurğunun

daxilində qarışığın səviyyəsi elektrodlara çatdıqda LT1 səviyyə transmitterindən

göstəricilər götürülür və uyğun olaraq LCV3 klapanı açılır.

MV qarışdırıcı klapanının vəzifəsi su və xam neft damlalarını maksimum

dərəcədə effektli qarışmasını təmin etməkdir. Bunun təmin edilməsi üçün MV

qarışdırıcı klapanındakı təzyiq düşgüsünə nəzarət edilməlidir və PT1 və PT2 təzyiq

transmitterləri bunun üçün nəzərdə tutulmuşdur.

Qurğunun daxilində texnoloji prosesin gedişatı zamanı qurğunun aşağı

hissəsində çökütünün yığılması baş verir. Bu prosesin gedişatına mənfi təsir göstərir.

Həmin çöküntünün səviyyəsi LT2 səviyyə transmitteri vasitəsilə təyin edilir və

saviyyə yol verilə biləcək maksimum həddə çatdıqda LCV2 idarətetmə klapanı

vasitəsilə təzyiqli su qurğunun daxilinə yönəldilir.
Təmizləmə qurğusunun daxilində əsas nəzarət olunmalı parametrlərdən biri də

temperaturdur. Temperaturun optimal qiymətində texnoloji prosesin gedişatı üçün ən
uyğun vəziyyət yaranır. Qurğunun daxilindəki temperatura TT1 temperatur

transmitteri vasitəsilə nəzarət edilir. Lazım gəldikdə qurğunun aşağı hissəsinə verilən

qaynar buxarın sərfi LCV2 klapanı vasitəsilə tənzimlənir.