Page 69 - Thukul Ing Lemah Nela

Thukul ing Lemah Nela

mesthi nggumun. Nanging kanggoku iki wektu kang
becik kanggo tetulung marang dheweke. Amarga yen
ngepasi ora ana alangan kaya ngene iki mokal aku bisa
tetulung dheweke.
Wusana bengine juragan Ganep saanak bojone
daktawani turu neng omahku, dheweke gelem. Nalika
papasan karo bojoku ing lawang ngarep banjur takon.
“Iki anakmu sing laire operasi kae, ta?”
“Nggih, Pak,” wangsulanku cekak.
“Sapa jenenge?”
“Bima niki pun saged trantanan,” bojoku sing
nyauri.
“Muga-muga kaya dene bung pring petung, gelis
gedhe tansah sehat,” kandhane Pak Ganep karo ngusap
bathuke anakku.
Najan Pak Ganep kandha kaya ngono kuwi,
nanging panyawangku nangkep polatan isin lan getun
saka Pak Ganep sing kondhang dadi juragan kayu.
“Mugi-mugi Gusti paring margi, kados dene unen-
unen dhemit ora ndulit, setan ora doyan,” kandhane
bojoku karo semu ngguyu.
Let sedina anane prahara kuwi, bengine wong-
wong padha mlumpuk neng omahku saperlu rembugan
yen sesuk arep ngrewangi juragan Ganep ngresiki
omahe sing ambruk ketrajang angin lesus. Ana sing
usul kudu lapor menyang sing kawogan amarga iki
kalebu bencana. Lan uga akeh sing usul kang wose
kanggo ngenthengake sanggane juragan Ganep. Kang
genah welingku marang wong-wong aja nganti tulung
menthung marang Pak Ganep, lan kudu sepi ing
pamrih rame ing gawe.

61 | Tali Sambung