Page 71 - Thukul Ing Lemah Nela

Thukul ing Lemah Nela

Wektu wis meh jam sepuluh, jangkrik kodhok
ngrenggani wengi sepi desa Margomulyo sing ana ing
pinggir alas jati. Wong sadesa kaya-kaya katrem ing
impen. Aku lungguh ijen ing lincak emper, karo angen-
angen kedadean ing tlatah kene iki pancen saka
kuwasane Gusti.
Kaya apa kagetku ing wengi kang rinengga
sunaring rembulan iki Pak Ganep mara ing omah.
“Dhik Pri iki kanggo ijole anakmu operasi biyen,
lan aku njaluk ngapura, mula kanggo asok luput lan
dakjaluk sing gedhe pangapuramu” kandhane Pak
Ganep karo nyekel tanganku ngajak salaman. Nanging
tanganku krasa sing dakgegem ing antarane epek-epek
krasa yen iki amplop kandhel sing njalari lambe iki
kaya kebingkem. Nganti Pak Ganep ilang ing petenge
wengi aku isih ndomblong.
Pancen aku mung ndomblong.

dQD

63 | Tali Sambung