Page 75 - Thukul Ing Lemah Nela

Thukul ing Lemah Nela

Grapyake, semanake nyawang dheweke kaya wis
dianggep anake dhewe. Lan nek bali Lilik ora lali
mesthi disangoni. Lan Lilik uga ora lali menehi dhuwit
neng ponakane sing cilik, ora ketang mung rong ewu.
Najan ngono bocahe senenge wis ngalahne mangan
sega lawuh pindhang.
Mula saiki ra ketang seminggu pisan Lilik nginguk
omah tinggalane wong tuwane kuwi. Kadhang dhewe,
kadhang saanak bojone. Ganti saiki dheweke sing
nyadhong pak like. Semono uga bojone ngepasi mara
ora lali rokok klangenan Pak Lik Kin.
Atine Lilik seneng nyawang panguripane pak like
sing ayem tentrem. Najan sasuwene neng ndesa
nyambut gawene mung srabutan. Untunge dhuwik
pesangon bisa nyanthol kanggo sekolahe anak-anake.
Anake mbarep jenenge Rini, sing dadi guru sukuan
karo dheweke wis diangkat dadi pegawe negeri. Ragile
jenenge Tina kerja neng bank BPD Magetan. Rini
setaun engkas dadi manten karo Bambang sing kerjane
neng Pemda Magetan.
Jam pitu wis bar sembarangane. Karo ngenteni
Ratimin adus, Lilik mlebu neng kamare anake Reza.
Ora marem, kamare anake iku ditata maneh. Seprei
kasur, sawal bantal lan guling diganti karo corak
senengane anake, yaiku corak kleb bal-balan MU.
Pancen anake sing mbarep iku idolane kleb bal-balan
saka Inggris. Ing tembok kamare kebak poster pemaine
MU.
Krungu jangkahe Ratimin, sing wedok njaluk
tulung kon njupukne kelut.
“Mas, tulung jupukna kelut'!
“Kanggo apa, Dhik?”

67 | Mikul Ngiwa Nengen