Page 76 - Thukul Ing Lemah Nela

Thukul ing Lemah Nela

“Iki lho kamare Reza kok isih katon ana regede
sithik.”
Ratimin mara ngelungake kelut, thimik-thimik
lakune digawe tanpa swara. Sirahe nginguk menyang
njero kamar. Disawang bojone lagi iwut mbenakne
potone anake lan kacane sing katon ana bleduge
diserbeti.
Sidane jam wolu kurang lima wis budhal menyang
Mediun. Lilik manggon neng tengah awor Rini, Marga
neng ngarep. Montor panther rupa ijo kleser-kleser
mecaki dalan aspal. Pacalan, Kalang tekan Sukamara.
Ratimin ngengokne montore menyang pom saperlu isi
bensin.
“Badhe tindak pundi, Pak?” pitakonan tukang pom
sing isih bocah iku.
“Teng Mediun mapag yoga, Dhik,” wangsulane
Ratimin mawa basa.
“Kesupen Pak kalih kula, Riyadi riyin kelas IX
D.”
“Wo iya, sing biyen lungguhmu karo Sunar kae,
ta?”
“Inggih, Pak.”
Bubar isi bensin montor mbandhang mlaku
mengetan.
“Sing ngedoli kuwi biyen muride bapak le, Ga.”
“Inggih ta, Pak.”
“Muride bapak biyen kae bocahe pinter. Nanging
amarga bapake lan ibuke kalebu wong ra nduwe mula
mothol mung tekan STM. Nalikane sekolah biyen
bapak ya melu ngusahake biaya kanggo dheweke.
Wiwit kelas pitu nganti kelas sanga, bapak kerep mara
neng omahe, mbantu sithik-sithik. Mula adhik aja

Supriyoko | 68