Page 79 - Thukul Ing Lemah Nela

Thukul ing Lemah Nela

Babar, Ratimin ngendhegake montore neng ngisore wit
kaliandra pinggir dalan. Unjal ambegan, njupuk rokok
saler lan disumet. Keluk ngembuleng ngebaki donyane
sing dirasakake ambane ora luwih sagodhong kelor.
Lungguh ijen neng njero montor, kanggo kanca
dheweke nyetel mp3 lagune Dhalang Poer “Kudu
Misuh”. Enak keprungu cocog karo rasa sing
dirasakake.
Swarane banyu udan kang kemrosok nibani
montore campuh karo kandhane bojone wingi sore.
Perang tandhing adu kasekten karo sing wedok. Awit
tanpa weruh sangkan parane, sing wedok ndremimil.
Jare dheweke ora merdulekake sing wedok. Digenahne
perkarane karo mase dheweke wis wegah melu cawe-
cawe, blas ora bisa nampa. Kamangka dheweke ya wis
nate bola-bali kandha uga wis akeh pratikel sing
dikandhakake marang sing wedok.
“Wong kok ra njawa blas,” kandhane sing wedok
karo nudingi dheweke.
Cetha wela-wela gambare bojone neng kaca
montor nalika nudingi dheweke. Leser sing cemanthel
neng tembok pawon dibanting, mak glondhang
swarane gawe seseg neng dhadha. Pancen ajeg yen
ngepasi sing wedok nesu-nesu, dheweke pilih meneng.
Sing waras ngalah, pagon sing tansah diugemi angger-
angger regejegan karo bojone. Nanging setan belang
kang tanpa dinyana nemploki. Dheweke nyauri kanthi
santak.
“Wis sakarepmu piye!”
Tangane nyandhak piring siji uga dibanting neng
ngarepe sing wedok, ajur sawalang-walang. Ganti sing
wedok njupuk gelas gantilan uga dibanting neng

71 | Mikul Ngiwa Nengen