Page 101 - THUKUL JADI_Neat

Thukul ing Lemah Nela

Sanajan Sarmi nolak pangajak iku, nanging Pak Miko
tetep meksa. Kaya pejabat negara wae, mlebune
lawang dibukakake dening Pak Miko. Sarmi ora ngira
yen dheweke karo anake bisa numpak montor sing
karan Honda Jazz iku. Ing njero montor lungguhe
mung pucuke bokong sing nemplek ing kursi. Pak
Miko mung mesem weruh lungguhe Sarmi.
Bubar sholat sejatine apa sing dialami dening
Sarmi, patuta nangis jroning batin. Sing kewetu
umpama mung umpama. Batine Sarmi umpama bojone
isih urip, najan ora sugih bandha bisa sholat bareng.
Bubar sholat dheweke lan anake sungkem marang
bojone. Yen bengi nunggoni anake sinau, golek pangu-
pa jiwa wong loro. Abot entheng disangga wong loro,
kang ateges ana kanca kanggo ngesok isen-isene ati.
Karo mlaku menyang montor rasane ngawang
kemleyang ngelingi kedadean ing dina kuwi. Rinjing
isi kacang sing kari sapojokan, rinjing krasa abot neng
gendhongan. Tangane anake digandheng kenceng,
kaya-kaya samar wedi kelangan. Bingung lan bingung
ngembuleng neng atine, kepethuk pawongan praupane
memper bojone, shalat bareng lan iki arep diterake
mulih numpak montor sing saumur-umur ya lagi kuwi
numpak montor apik. Nanging ya kuwi, gumune
geneya nyawang wong lanang sing lagi dikenal kuwi
kaya-kaya wis kenal suwe. Ana rasa seneng, ana rasa
marem, rasa isin kang jero ngiseni jiwa ragane.
Semono uga Rama, batine bocah sing lagi kelas 5
SD, kaya apa senenge yen isih ketunggon bapak. Najan
kalebu wong sing ora nduwe, nanging saben dina bisa
sholat bebarengan. Melu njupukake pacul nalika
bapake arep buruh neng sawah utawa neng tegal.
Mulih saka buruh nekokake wulangan apa sing

93 | Thukul Ing Lemah Nela