Page 12 - MODUL BAHASA SUNDA KLS XII

Modul . . . . . . (Mapel) Kelas . . . KD . . .

pikeun ngalegaan kaweruh atawa wawasan hiji jalma. Dina basa Indonesia, karangan
pedaran the sok disebut karangan bahasan atawa karangan eksposisi.
Kulantaran ngajentrekeun atawa medar hiji perkara, aya rupa-rupa tehnik nu dipake
dina nulis karangan pedaran, di antarana:
(1) Tehnik identifikasi, nyaeta ngajentrekeun hiji perkara ku cara medar ciri-cirina
eta perkara atawa barang.
(2) Tehnik klasifikasi, nyaeta ngajentrekeun hiji perkara ku cara neangan jeung
nyieun papasingan eta perkara atawa barang.
(3) Tehnik definisi, nyaeta ngajentrekeun hiji perkara ku cara neangan jeung mere
wangenan kana eta perkara atawa barang
(4) Tehnik ilustrasi, nyaeta ngajentrekeun hiji perkara ku cara neangan jeung mere
gambaran kana eta perkara atawa barang.
(5) Tehnik proses, nyaeta ngajentrekeun hiji perkara ku cara neangan jeung mere
gambaran proses nyieunna eta barang.

Teu beda ti adegan karangan liana, umumna mah rangkay raraga atawa
kerangka karangan pedaran the diwangun ku tilu bagian, nyaeta (1) bubuka, (2) bagean
eusi jeung (3) bagean pamungkas.

Bagian bubuka, eusina midangkeun hal-hal umum perkara eusi pedaran:
(a) alesan milih jejer (topic) pedaran
(b) pentingna jejer (topic) pedaran
(c) legana pedaran
(d) watesan jejer pedaran
(e) masalah – masalah anu dipedar
(f) tujuan jeung gunana pedaran

Bagian Eusi, eusina midangkeun objek nu di pedar saperti:
(a) wujud jeung wangunna objek
(b) gunana objek
(c) wanda atawa tipena objek
(d) cara-cara nyieunna objek, kitu oge lamun aya

Bagian pamungkas (panutup), eusina midangkeun dua hal:
(a) kacindekan tina eusi pedaran
(b) saran-saran

Lamun hidep rek nulis karangan pedaran, aya sawatara cara nu bisa dilaksanakeun,
di antarana wae:
(1) Netepkeun pasualan atawa perkara nu rek ditulis.
(2) Ngumpulkeun bahan atawa data keur ngarojong eusi karangan pedaran, biasana mah
tina buku, Koran, majalah atawa internet.
(3) Mikiran pijuduleun anu matak ngirut ka nu maca
(4) Nyusun raraga atawa rangkay karangan
(5) Mekarkeun rangkay karangan jadi alinea-alinea nepi ka jadi karangan gembleng.
(6) Nyarungsum karangan anu geus jadi.

Dina prakna ngarang, bisa dikope heula dina catetan atawa langsung diketik dina
computer. Jadi, aya tilu tahap dina ngarang pedaran, nyaeta prangarang, prakna (proses)
Ngarang jeung pascangarang (nyarungsum).

@2020, SMAN 7 Bekasi