Page 65 - Safarova N., Safarov B. elektron darslik

О‘simliklarning о‘suv organlari yaxshi rivojlanib, massasi ortgan paytda

beriladigan suv miqdoriga tuzatishlar kiritib boriladi.

О‘simliklarning yorug‘lik bilan ta’minlanishi bir xilda bо‘lishiga erishish

uchun sug‘orish paytida chekka va о‘rta qatorlarda joylashgan idishlarning о‘rni

almashtiriladi. Tajriba maqsadidan kelib chiqqan holda tuproqli muhitda

yetishtiriladigan ekinlar vodoprovod suvida, distillangan yoki bidistillangan suv

bilan sug‘oriladi. О‘rganiladigan omil tuproq reaksiyasi yoki kalsiy miqdori

bо‘lganda, turli fiziologik muhitga ega azotli о‘g‘itlaryoki qiyin eriydigan fosforli

о‘g‘itlar о‘rganiladigan tadqiqotlarda faqat distillangan suv ishlatiladi.

Shuningdek, kichik bufer sig‘imiga ega tuproqlarda о‘tkaziladigan tajribalarda

vodoprovod suvidan foydalanish qat’iy man’ qilinadi.

Amal davridagi oziqlantirishlarda о‘g‘itlar suvda eritilib beriladi.

Idishlardagi begona о‘tlar muntazam ravishda yо‘qotiladi, kasallik belgilari

va xasharotlar paydo bо‘lsa, tezda tegishli chora-tadbirlar qо‘llanadi.

Kuzatishlar, hosilni yig‘ishtirish va hisoblash. О‘simliklarning amal davrida

reja asosida fenologik kuzatishlar va biometrik о‘lchashlar amalga oshiriladi va

ularning natijalari maxsus tutilgan jurnalga yozib boriladi. Har bir idishdagi

о‘simliklarning asosiy о‘sish va rivojlanish davrlarining boshlanish sanalari qayd

etiladi.
8-jadvalda turli ekinlarda kuzatilishi lozim bо‘lgan rivojlanish davrlari

keltirilgan.
О‘simliklarning rivojlanishidagi farq о‘lchashlar orqali aniqlanadi va jurnalda

qayd etiladi. Idishlardagi о‘simliklar suratga tushiriladi.
Terimga 3-4 kun qolganda idishlarga suv quyish tо‘xtatiladi.

Tajribaning maqsadi va vazifalaridan kelib chiqqan holda о‘simliklar turli

davrlarda (kо‘pincha tо‘la pishib-yetilganda) yig‘ishtirib olinadi.

65