Page 53 - Brochure_finale_170418_V1
P. 53
huet, a schonns ëmmer Concerte bei Frënn an aner Lokalitéiten zu
Lëtzebuerg gespillt huet, sou ass dëst lo erweidert ginn, an
zousätzlech ass sech och un Museksconcourse bedeelegt ginn, an
dat mat Succès. 1954 ass sech bei engem UGDA Concours een 1.
Präis geholl ginn. 1961 zu Ettelbréck, 1965 zu Bissen, 1967 zu
Bouneweg, ëmmer ass sech een éischte Präis geséchert ginn, wat
mat enger Auszeechnung belount gouf an et konnt een so a méi eng
héich Divisioun eropklammen.
Duerch eng gutt Zesummenaarbecht mat anere Leidelenger
Veräiner, wat Verdéngschter vun den deemolege Presidente waren,
sinn eng ganz Rei nei a flott Aktivitéiten entstanen, wéi zb. Cecile-
Feier zesumme mat dem Gesangsveräin «Chorale St. Cecile» ze
feieren. Et ass also musikalesch richteg gutt geschafft ginn am Veräin
iwwert all déi Joren. An dëst sollt dann och bei dem 75.
Gebuertsdag vun der Musek am Joer 1968 zum Ausdrock kommen.
Mat engem flotten Programm iwwert eng ganz Woch vum 6 bis 14
Juni an enger flotter Festbroschür huet sech «Fanfare de
Leudelange» iwwert Grenze vum Duerf eraus gewissen. Mat engem
Concert vun der Fanfare de Leudelange ënnert der Leedung vum
Jean Mohr sin Festivitéiten ugefaange ginn, an iwwert eng Woch hu
lëtzebuergesch Museken , an och de Musikverein Harmonie Osburg,
fir musikelesch Héichpunkte gesuergt. Den Ofschloss vun der flotter
Woch ass mat den offiziellen Evenementer agelaut ginn. Et gouf ee
Cortège duerch Leideleng, mat etlechen Museksgesellschaften aus
Lëtzebuerg, mat de Veräiner an de politesch Verantwortleche aus
Leideleng, bevir feierlech den neie Fändel un d'Fanfare de
Leudelange iwwerreecht gouf. Duerno huet Fanfare de Niedercorn
ee Galaconcert gespillt, an ofgeschloss sinn d'Feierlechkeete gi mat
engem flotte Bal. ( de genaue Programm an der Broschür 75 Joer)
Wéi no 23 Joer de Jean Mohr den Dirigentestaf un sai Schwoer de
Josy Langers ofgëtt, dee virdru schonns mol bei der Fanfare ersat
hat, ginn nei Weeër ageschloen fir sech fir d'Ausbildung vun de
jonke Musikanten an der Fanfare anzesetzen.
51
