Page 54 - Brochure_finale_170418_V1

Awer och aner Initiativen hu sech entwéckelt. Sou sinn an de 70er
Joren ënnert der Leedung vum Paul Reicher d'«Leidelenger
Duerfbléiser» entstanen, an dat souwuel aus Freed un der Musek
souwéi och fir d'Finanze vum Veräi ze verbesseren. Duerfbléiser
hunn eng ganz Rei Joeren existéiert, hu fir déi néideg Stëmmung op
de Kiemesbaler gesuergt, an et si souguer eege Stécker fir si
komponéeirt gi vum Josy Langers, bis déi Zäit op eemol leider op en
Enn gaangen ass. D'Fanfare de Leudelange huet reegelméisseg
Concerten op der Place d'Armes an am Parc Merveilleux zu
Beetebuerg gespillt. An souguer ass iwwert Joren un der
Iechternacher Sprangprëssessioun deelgeholl ginn.

Awer d'Entwécklung huet net däerfe stoe bleiwen. D'Mëttele déi
agesat gi sinn fir d'Jugend hunn der Zäit missen ugepasst ginn. Déi
vun der Leidelenger Gemeng 1973 ageféiert Solfègecoursen huet de
Josy Langers iwwerholl an weiderentwéckelt, so datt déi jonk Frënn
vun der Musek nom 1 Joer Solfège am 2te Joer schonns mat engem
Instrument konnte Bekanntschaft maachen. Dëst huet sécherlech
d'Freed un der Musek gesteigert. Och hu sech Schüler vun him no
den Aféierungscoursen an de Konservatoire ageschriwwen. Sou
konnt iwwert des wäertvoll Aarbecht d'Fanfare jonk an ausgebilte
Musikanten an hier Reien ophuelen, wat zu enger Steigerung vum
musikalesche Niveau vun der Fanfare bäigedroen huet.

Des Aarbecht huet hir Friichte gewisen an den 80er an 90er Joren.
Eng ganz Rei vu jonke Musikanten mat vill Talent hat een an der
Musek dee och op sech opmierksam gemaach hunn bei Concoursen
am Ausland a bei deene vun der Kulturkommissioun vun der
Gemeng Leideleng organiséierten „Auditions musicales“. De
musikalesche Programm ass an de Joren ëmmer méi gewuess an
d'Musek huet sech souwuel un alle weltlechen a kierchleche Fester
zu Leideleng bedeelegt, an nei kulturell Aktivitéiten zu Leideleng
ageféiert ; wéi de Moullenowend, Concert Spirituel a spéider de
Wanterconcert.

52