Page 159 - Innovatsion iqtisodiyot

INNOVATSION IQTISODIYOT
Akram XASHIMOV
5. Biznes-inkubatorni tavsiflang. Biznes inkubator faoliyatining
samaradorligini ko‘rsatuvchi asosiy ko‘rsatkichlar nimalardan iborat?
6. Texnologiyalar transferi markazlarining asosiy vazifalari
nimalardan iborat?
1-topshiriq.

Yetti yil oldin O‘zbekistonda IT-kompaniyalari soni 147 ta bo‘lgan
bo‘lsa, hozirda 2 mingtadan oshdi. Ularda 30 ming nafar xodim yuqori
daromadli ish bilan band. 70 ming nafardan ziyod yoshlar IT bilan
mustaqil shug‘ullanmoqda.
Xususan, Qoraqalpog‘istonda IT Park rezidentlari soni o‘tgan yil
yakuniga nisbatan bugungi kunda uch barobarga oshib, 108 tani tashkil
etdi. Ular tomonidan 310 nafar mutaxassis ish bilan taʼminlangan.
2024-yilning birinchi yarmida xizmatlar hajmi 2,4 barobarga, eksport
hajmi esa 1,7 barobarga ko‘paydi.

Taʼlim rezidentlari tomonidan 25 ming nafar yosh va davlat
xizmatchilari o‘qitilib, malakasi oshirildi. “Bir million dasturchi”
loyihasi doirasida onlayn platforma orqali o‘tgan yilda 18 ming nafar,
joriy yilning shu kunigacha 29 ming nafar yosh o‘qitildi. 33 mingdan
ziyod yoshga taʼlim berish rejalashtirilgan.
Prezidentning 2021-yilgi tashrifi doirasida berilgan ko‘rsatma
bilan Nukus shahri markazida 17 qavatdan iborat IT Park filiali

qurilgan. Unda IT-taʼlim va Cowarking markazlari, ofislar, konferensiya
zali va xizmat xonalari mavjud. Binoga texnopark rezidentlari,
investorlar va chet ellik autsorsing korxonalar joylashtiriladi.
Matn bilan tanishib chiqing va O‘zbekistonda innovatsion
infratuzilmaning hozirgi holati to‘g‘risida xulosalaringizni bayon qiling.
2-topshiriq.
Bir nechta qog‘oz varaqlarini qistirishga mo‘ljallangan oddiy qog‘oz
qistirgich (skrepka) XIX asrda paydo bo‘lgan. Ushbu maqsadlar uchun
hozirgi kunda stepler, prujinali qistirgichdan foydalaniladi, shu bilan

bir qatorda oddiy qog‘oz qistirgichning ham bir nechta variantlari
paydo bo‘ldi (katta o‘lchamdagi qog‘oz qistirgich, plastmassali qog‘oz
qistirgich). Bugungi kunda qog‘ozlarni oddiy shaffof paketlarga ham
joylashtirish mumkin.

158