Page 445 - Innovatsion iqtisodiyot

INNOVATSION IQTISODIYOT
Akram XASHIMOV
8. Loyihaning yuridik taʼminoti (firmaning tashkil qilingan va
ro‘yxatdan o‘tkazilgan sanasi, kim tomonidan va qayerda ro‘yxatga
olingan, yuridik manzili, faoliyati turi va amalga oshirilayotgan ope-
ratsiyalar tavsifi, mulkchilik shakli, kapital mansubligi, firmaning
nufuzli aksiyadorlari, paychilari, mazkur faoliyat turi uchun

litsenziya, mazkur faoliyat turlari bo‘yicha boshqa tashkilotlar bilan
shartnomalar va kelishuvlar).
9. Iqtisodiy tavakkalchilik. Sug‘urtalash (tavakkalliklar guruhlari
ro‘yxati, ular manbalari va vujudga kelishi ehtimoli yuqori bo‘lgan
davrlar, loyihaning iqtisodiy qaltisligiga baho berish, tavakkalliklardan
sug‘urtalash dasturi, sug‘urta polislari nusxalari va h.k.).
10. Moliyalashtirish strategiyasi (loyihani amalga oshirish uchun
moliyaviy mablag‘lar va ularning manbalari, kredit va aksiyadorlik
kapitali ko‘rinishidagi mablag‘lar ulushi, kredit olish shartlari,

moliyaviy mablag‘larni kiritishning iqtisodiy rentabelligi, loyihaga
kiri tilgan mablag‘larni qaytarish muddatlari, kutilmagan xarajatlarni
qoplashga mo‘ljallangan moliyaviy mablag‘lar zaxirasi va h.k.);
11. Moliyaviy reja (loyihani amalga oshirish natijasidagi tovarlar va
xizmatlarni sotish hajmlari, loyihani amalga oshirish uchun yillar bo‘yicha
kapital xarajatlari va ular qamraydigan xususiy mablag‘lari, uzoq muddatli
va qisqa muddatli kreditlar, tovarlar va xizmatlarni ishlab chiqarish hamda

sotish bo‘yicha joriy daromadlar va xarajatlar balansi va h.k.).
Keyin ilovalar (dastlabki maʼlumotlar olingan hujjatlar, shartno-
malar, litsenziyalar va h.k. nusxalari) keladi va xulosa beriladi.
Tuzib chiqilgan innovatsion loyiha firma uchun innovatsion
faoliyatning istiqbolli yo‘nalishini aks ettirib va ko‘rsatibgina
qolmasdan, balki ushbu loyihaga pul ajratish kerakmi-yo‘qmi? Bu
loyiha qanday daromad keltiradi, hamma xarajatlar va unga ketgan
kuch o‘zini qachon oqlaydi? kabi savollarga ham javob berishi lozim.
Shunday qilib, innovatsion loyihani ishlab chiqish yo‘nalishini

tanlash va uni asoslash firmaning muhim strategik vazifalaridan biri
bo‘lib, u yoki bu yangilikni joriy etish qanday foyda keltirishini, shu-
ningdek, firmaning samarali faoliyatining eng asosiy mezoni bo‘lib
nima xizmat qilishini isbotlab berishi lozim.

444