Page 444 - Innovatsion iqtisodiyot

INNOVATSION IQTISODIYOT
Akram XASHIMOV
ning asosiy texnik-iqtisodiy va isteʼmol tavsiflari, ularning rasmdagi
tasviri, tovarlar va xizmatlar afzalliklari, sertifikatlash va h.k.).
3. Tovarlar va xizmatlarni sotish bozorlari (sotuv bozori turi,
istiqbolli bozorlar, ularning joylashuvi va tavsifi, bu bozorlarda firma-
ning bashoratlanayotgan ulushlari, salohiyatli isteʼmolchilar tavsifi,

yangi tovarlar va xizmatlarga talabni belgilovchi omillar, sotuvlar-
ning salohiyatli hajmlari va hokazolar).
4. Tovarlar va xizmatlar raqobatbardoshligi (raqobatchi firmalar-
ning qisqacha tavsifi, yangi tovar yoki xizmatning raqobatchi
firmadagi o‘xshash tovar yoki xizmatga nisbatan raqobat afzalliklari,
firma tovarlar va xizmatlar raqobatbardoshligini himoya qilish uchun
qo‘llaydigan raqobat strategiyalari va hokazolar).
5. Marketing rejasi (amalga oshirilayotgan loyihaning marketing
maqsadlari va strategiyasi, loyihani amalga oshirish natijasida firma

taklif qiladigan tovarlar va xizmatlarni ilgari surish hamda sotish
strategiyasi, tovar yoki xizmatni sotishni rag‘batlantirish usullari,
mijozlarga sotishdan keyin xizmat ko‘rsatishni tashkil qilish, taklif
etiladigan tovarlar yoki xizmatlar haqida ijtimoiy fikrni shakllanti-
rish, marketing budjeti va h.k.).
6. Ishlab chiqarish rejasi (yangi tovarlar ishlab chiqarishni bozorga,
taʼminotchilarga, ishchi kuchiga, transport yo‘llari va h.k.larga

nisbatan joylashuvi, ishlab chiqarish maydonlari, quvvatlari va
ularni kengaytirish imkoniyatlari, moddiy-texnik, insoniy va boshqa
resurslar manbalari va ularga ehtiyoj, ulardan foydalanish imkoni,
ishlab chiqarishni kooperatsiyalash imkoniyatlari, ishlab chiqarish
hajmlari va xarajatlari, qo‘llanilayotgan texnologiyalar, ishlab
chiqarishni yo‘lga qo‘yish va tovarni ishlab chiqarishni kengaytirish
muddatlari, ishlab chiqarishning ekologikligi va h.k.).
7. Tashkiliy reja (tashkiliy tuzilma, xodimlarga, mutaxassislarga
bo‘lgan ehtiyoj, ularni mehnatga jalb qilish shakllari, kasblar bo‘yicha

ish haqining zaruriy darajasi, mehnatni rag‘batlantirish tizimi,
xodimlarni kasbiy tayyorlash, malakasini oshirish va qayta tayyorlash
tizimi, loyihani amalga oshirishga boshchilik qilayotgan maʼmuriy-
boshqaruv xodimlar haqidagi maʼlumotlar va h.k.).

443