Page 53 - Innovatsion iqtisodiyot

INNOVATSION IQTISODIYOT
Akram XASHIMOV
Shunday qilib, iqtisodiy faoliyat natijasi hisoblanuvchi innovat-
sion mahsulotlar va innovatsion jarayonlar o‘rganishi obyekti hi-
soblanadi. Jahon tajribasi barcha sohalarda sifatli o‘sishni taʼmin-
lovchi yangiliklarni uzluksiz tarzda amaliyotga joriy etish jamiyat
va iqtisodiy rivojlanishning harakatlantiruvchi kuchiga aylangan-
ligini ko‘rsatmoqda. Bugun rivojlanishning innovatsion modellari

va “aqlli” texnologiyalar amalga oshirilayotgan mamlakatlar eng
muvaffaqiyatli va barqaror hisoblanadi. Bunday mamlakatlarning
barqaror taraqqiyoti, ularning jahon bozorlarida raqobatbardoshli-
gi tabiiy resurslarni eksport qilish va jismoniy mehnatdan foydala-
nishga emas, balki innovatsion g‘oyalar va ishlanmalarga asoslana-
di. Ushbu mamlakatlarda innovatsion g‘oyalar, ishlanmalar va tex-
nologiyalarni joriy etish bo‘yicha davlat strategiyasining ijrosi shart-
li ravishda “kelajak vazirliklari”, deb nomlanuvchi maxsus idoralar
tomonidan amalga oshiriladi. Innovatsion rivojlanish uchun masʼul
idoralarning asosiy vazifasi innovatsiya va fan yutuqlarini keng joriy
etish hisobiga mamlakatning iqtisodiy o‘sishi va jahon bozorlarida-

gi raqobatbardoshligini taʼminlash hamda iqtisodiyotda intellektual
ulushning ko‘payishi hisoblanadi. “O‘zbekiston – 2030” strategiyasi-
da fundamental tadqiqotlarni zamon talablaridan kelib chiqib yangi
yo‘nalishlar bilan boyitish, iqtisodiyotning eng tez o‘sib borayotgan
yo‘nalishlarida amaliy tadqiqotlarni kuchaytirish, “korxona – oliygoh
– ilmiy tashkilot” klaster tizimini joriy etish, yosh tadqiqotchilarning
ulushini oshirish, ularning ilmiy izlanishlarini qo‘llab-quvvatlash,
barcha yo‘nalishlarda innovatsion faoliyatni keng joriy etish, ilmiy
tadqiqotlarni va innovatsion tashabbuslarni qo‘llab-quvvatlash kabi

maqsadlar belgilab berilgan .
8
Boshqacha qilib aytganda, biz O‘zbekistonni ishlab chiqarishda
innovatsiya va intellektual hissaning yuqori ulushi bo‘lgan barqaror
bozor iqtisodiyotiga, zamonaviy va global bozorda raqobatbardosh
sanoatga, shuningdek, qulay investitsiyaviy va ishchanlik muhitiga
ega jadal rivojlanayotgan mamlakatga aylantirishimiz lozim. Qo‘yil-
gan maqsadlarga O‘zbekistonni rivojlanishning innovatsion modeli-

8 O‘zbekiston Respublikasi Prezidentining 2023-yil 11-sentabrdagi “O‘zbekiston — 2030” strategiyasi to‘g‘risi-
da”gi PF-158-sonli Farmoni.
52