Page 643 - Innovatsion iqtisodiyot

INNOVATSION IQTISODIYOT
Akram XASHIMOV

15-MAVZU INNOVATSIYALAR MARKETINGI

15.1. Marketing faoliyatini rivojlantirishning institutsional

shart-sharoitlari
15.2. Innovatsion faoliyat marketing obyekti sifatida
15.3. Innovatsiyalar marketingida tashqi va ichki muhit
15.4. Innovatsion mahsulot narxini shakllantirish
15.5. Innovatsion mahsulot uchun marketing kommunikat-
siyalari
Mavzuning qisqacha sharhi. Innovatsiyalar marketingi
innovatsion jarayonlar samaradorligini oshirishda marketing
amaliyotidan foydalanishni ko‘zda tutadi. Innovatsiyalarni

tijoratlashtirishning natijaviyligi ko‘p jihatdan marketing vosita
va usullaridan mohirona foydalanishga bog‘liqdir. Innovatsiyalar
marketingi bozorda yangi mahsulot va xizmatlarning muvaffaqiyatiga
hissa qo‘shuvchi innovatsiyalarni boshqarish bilan bog‘liq
faoliyatining barcha turlarini qamrab oladi. Innovatsion jarayonning
yakuniy bosqichi innovatsiyalarni tijoratlashtirish ekanligini inobatga
olsak, innovatsiyalar marketingining qay darajada muhim ekanligi

oydinlashadi. Shundan kelib chiqqan holda, mazkur mavzu doirasida
innovatsion jarayonlar samaradorligini oshirishning muhim omili
sifatida innovatsiyalar marketingi muhokama qilinadi.

Biznes tarixi: 310 million nafardan ortiq foydalanuvchiga
ega “Amazon” kompaniyasi qanday tashkil etilgan?
Uning bugungi kungacha qanday shakllangani, qanday jarayon va
yo‘llardan o‘tgani ko‘pchilik uchun qiziq bo‘lishi mumkin.
Jeffri Preston Bezos – elektron tijorat dunyosida muvaffaqiyatli

tadbirkor va “Amazon” asoschisi sifatida tanilgan. U 1964-yil
12-yanvarda Amerikaning Nyu Meksiko shtatida dunyoga kelgan.
Priston universitetini tamomlagandan so‘ng, Uoll-Stritda o‘z karyerasini
boshlaydi.

642